本帖最后由 賓州電鋸插人狂 于 2018-6-25 01:00 编辑
公司有事, 要我去上海兩日, 做少少野.
首先試坐第一次磁浮先, 真係勁快, 10分鐘到市中心龍陽路站.
夜晚後就得閒, 一個人無聊就約埋個上海朋友, 去左城皇廟個邊搵下野食.
去到最多港人食既南翔, 試下小籠包先, 的確好食, 不過都唔平呀~
食完飽飽地就行過去, 原來有船可以過對岸, 真係有朋友先知呀~
夜景係不錯, 不過都係香港好d~
當然亦都有老土地去, 東方明珠塔影張相啦~
不過就冇上到去, 因為太貴唔太值,
然後送左朋友返家, 就自己返酒店.
第二日唔敢勞煩人, 又就黎上機, 決定一個人周圍行下,
去左世紀公園站附近, 醫下個肚先.
呢個蔥油餅只要2蚊, 但係極之好食, 香脆~好過香港的幾倍.
行下d公園, 睇下d上海人生活,
見到有國內必見的運動.
同埋有人係到玩詠春黐手.
行過d見到上海博物館, 原來呢個係中國三大博物館之一,
外形設計亦見特別, 就係傳統的中國人思想 : 天圓地方.
跟住差不多時間, 原路坐返磁浮出機場, 原來有air ticket可以平10蚊,
記住拎定出黎呀~上海短trip之旅完, 期望日後都上下去,
價錢係不菲, 好多野貴過香港, 不過都幾方便同較香港有遠見得多.
寫得唔好, 莫見怪呀~ |