瀛到頂穿褲......再食「鮨福助」噴泉魚生飯

舊年去過銅鑼灣呢間「鮨福助」食飯，當晚「omakase」係小弟食過最好嘅日本菜，食材夠哂新鮮，最難忘係「噴泉魚生飯」簡直超水準。

近排再去「鮨福助」午膳，又見到專業有禮嘅日本師傅，同樣係坐吧檯，好快睇完餐牌就點菜。

地道日式前菜，每樣都新鮮爽口；茶碗蒸賣相別緻，蒸蛋夠哂滑，仲有鮮蟹肉 + 鮮香菇，味道一流，水準極高。

當我食緊前菜同埋茶碗蒸，就見到日本師傅預備主食，將白芝麻撈入熱騰騰嘅白飯，再將魚生片慢慢放喺表面，最後更親自奉上呢碗午市限量嘅「噴泉魚生飯」，簡直眼前一亮。

同上次一樣，呢碗「噴泉魚生飯」仍然保持高水準，高質素魚生非常新鮮，鋪排得別緻精美，尤其係uni入口鮮甜 + toro肉質肥美。

仲有一碗用蝦頭煮嘅麵豉湯，頭啖湯已經覺得極為鮮味。

最後有果凍甜品，一樣有驚喜，女侍應話呢粒「yamamomo」類似潮州人夏天喜歡食嘅水楊梅，感覺好清新。

最後結帳每位280另收加一小費......

頂穿褲郎 san  阿 hi 唷
多謝師兄 光臨"港食區"發帖
一個蝦頭麵豉湯  我好想試下  一定幾鮮甜

請問這一個令人流口水嘅拼盤   就是「噴泉魚生飯」嗎？
如果係點解會叫「噴泉魚生飯」呢 我都唔見飯嘅
仲有  件好正嘅海膽   後面三角型  黃色果件又係乜呀
有勞頂穿褲郎 san解答 請多多指教

個魚生飯好似叫刺身盛貼切D喎，咁鬼重手！
請問師兄三角形果件是鵝肝定白肉拖羅？

嗰碗“噴泉魚生飯”好有創意啵，雖然d魚皮睇唔夠冰震嗰d靚仔， 但keep到新鮮已足夠！

師兄你哩個噴泉魚生飯真係食咗...頂唔住個胃口,
又有蝦頭湯, 又有埋果凍甜品, 真係睇見都流晒口水,
小弟食過好多地方, 哩個真係未食過, 正:em20:

kkbbq 發表於 2011-7-11 18:29

                               
登录/注册后可看大图

頂穿褲郎 san  阿 hi 唷
多謝師兄 光臨"港食區"發帖
一個蝦頭麵豉湯  我好想試下   ...

it is called 噴泉魚生飯 because its 魚生 (水平看) like water 湧出來

無爭有為 發表於 2011-7-12 00:03

                               
登录/注册后可看大图

個魚生飯好似叫刺身盛貼切D喎，咁鬼重手！
請問師兄三角形果件是鵝肝定白肉拖羅？ ...

if u mean the in yellow next to salmon, it is egg only