本帖最後由 cm3924 於 2011-7-9 23:28 編輯
又係啱啱今日星期六(9/7)朋友推介去食泰國餸菜, 於是下午六點鐘就去咗荃灣河背街一間中
小舖食泰國嘢,由於舖內只可容納40-50人, 朋友說如果到七點後會好爆, 所以早小小去到,
本來以為冇D特別, 中小舖一間, 名叫泰X泰國餐廳, 點知食咗之後又好好味,
一於又推推佢比大家見下, 好唔好味就先睇下食物賣相, 同行有小弟,
虎虎及虎友人{:4_132:}
大門口, 荃灣河背街尾(即眾安街尾左轉入)
店外餐牌(1)
店外餐牌(2)
店外餐牌(3)
店內情況(一), 水吧
店內情況(二), 點解好似冇人? 頭先講咗, 六點鐘還未到旺場時間
先來一碗冬蔭公湯(48元), 份量望落唔係好多, 但都可以分到五小碗,
小弟唯有飲多D, 而虎虎和友人各人飲一碗, 哩度冬蔭公湯落足料, 雖
然用半隻大頭蝦, 但其他如小蕃茄, 野菌, 磨菇, 香茅, 辣椒和小弟唔識
得嘅泰國香料, 個湯煲到好出味道, 有大頭蝦及羔的鮮味及其他香料味道,
好濃郁, 好特別, 飲落口辣辣地, 啱晒口味
再黎一碟泰式拼盤(72元), 入面有蝦餅, 魚餅, 香葉包雞, 泰式春卷,
點解哩碟得三樣餸, 偷工減料? 唔係, 春卷遲咗黎, 下張圖內有影,
扣佢分先, 需然唔係小弟至愛, 都要提下, 蝦餅食落幾有口感, 外面炸到
好鬆脆, 淡金黃色 蝦肉好甜, 煙韌彈牙, 魚餅也是, 口感唔差, 香葉包雞,
入面雞肉用香料配製, 食落唔太鹹, 雞肉還有肉汁, 幾好味, 泰式春卷, 得
三舊, 食咗落口, 味道還可以, 啲料食唔出, 算啦, 呢樣又扣下分, 整體來講
這個泰式拼盤味道及口感算得中上之選
下一道先係小弟喜歡的美食之一, 無國界蒜蓉包(30元), 個名幾特別, 以為又係普通蒜蓉包,
原來都係好味, 包切成長方形, 有六塊, 哩次每人二塊, 唔使爭, 兩側焗到脆脆地,
中間加上植物牛油及香草而製成, 真係ICHIBAN, 用黎點咖哩一齊吃, 味道加倍,
等埋下一碗咖哩先
再等埋另一主要美食, 黃咖哩雞(48元), 簡介一下, 哩間店舖有青/黃/紅咖哩配上雞牛豬肉,
又可以互相配搭, 再用蒜容包點咖哩來食, 雙倍滋味好多FUN,講番個黃咖哩雞, 係泰式咖
哩, 入面除了雞肉, 有薯仔, 小蕃茄, 紅辣椒和其他香料而成, 唔太辣, 另外有落埋椰汁,
好香好滑, 食落咖哩味濃郁, 又唔會太”傑”, 只係食哩餐時太過悶熱, 唔想食飯,
唔係就用黎撈飯, 也是一絕, 雞肉用咗雞柳, 口感唔錯, 都索咗唔少咖哩味,
由於小弟覺得咖哩係主角, 所以雞肉同埋其他係配角, 哩道餸好掂擋
最後黎一碟泰式炒通菜(43元), 食得多香港口味椒絲腐乳炒通菜, 食個泰式炒通菜,
味到又幾啱胃口, 由於先前食咗太多肉類, 蒜容包同埋咖哩, 食番多啲菜清一清,
哩碟通菜稍為多咗啲油, 最後有些少食唔晒, 都合口味
再叫多一杯棷汁冰同埋三色冰, 著一聲飲番D凍飲, 因為虎虎友人食得多咗太漲肚,
所以冇叫野飲, 總結哩次洗費279元加5%, 係5%, 共293元/3位, 唔係太貴,
雖然哩處幾唔就腳, 但當七點埋單時突然先發覺到成個舖入面已經爆满,
又有客人在門口等緊, 於是就走人, 再見{:5_158:}
|
立即注册
登录
提升卡
置頂卡
沉默卡
喧囂卡
變色卡
顯身卡
厘碗邊係湯嚟架
本來加你100分 依家加50算喇
