本帖最後由 cm3924 於 2011-7-8 22:40 編輯
啱啱去過沙田行街, 去咗新城市廣場, 虎虎遲到, 小弟唯有一支公行過附近的好運中心,
因為有間特式小店係有去骨海南雞飯同埋雲南米線加小食, 重有新鮮懷舊雞雜粥
去骨海南雞飯, 無骨, 啖啖肉, 雞係新鮮黃油雞, 而飯係用雞油做, 好味, 唔會煲到黐
實一舊一舊, 淋"字字", 重有雞油香味, 好有口感
附上甜酸汁同埋薑葱油, 啲薑葱油唔多鍾意點, 反而個甜酸汁好啱我口味, 令雞肉啲
鮮味出晒黎, 因為個汁唔掂, 小弟覺得海南雞肉會失色D
附送一碗紫菜豬肉碎湯, 冇落味精, 啲湯好鮮甜, 小弟鍾意食飯前飲晒, 好開胃
又係唔使十分鐘已食晒海南雞飯同埋碗湯, 唔使再多講都知唔會差
店內唔係好大, 只有八張中圓枱, 可以同時容納30-35人, 多人坐要逼埋小小, 人多
就唔方便, 店外介紹(1)其中一D雲南米線介紹, 價錢實惠, 一碗都大大碗, 小弟都試過,
抵食:em8:
店外介紹(2)
店外介紹(3)
埋單42元正...一個餐, 有飯, 有湯, 有凍菜蜜或豆漿免費送埋, 其他餐飲另加幾蚊,
大X樂, 大X活和其他茶餐廳同價食物, 無得比, 呢D快餐店或茶餐廳, 有D食一
半都唔想再食同埋冇下一次機會, 呢度啲食物質素有保証, 一個字--掂,
店名X興雲南米線+君X海南雞飯XXX, 係响沙田好運中心商場上層, 果度得兩層,
大門口對住沙田街市, 請呀!
|