11哥跳出深圳<二>厦門鼓浪嶼熱爆編

點解要叫做厦門鼓浪嶼熱爆編？
11哥當日晨咁早食完早餐跟手就坐船直踩鼓浪嶼,
先前係網上搜咗好多小食同茶座之類嘅資料,諗住有份精采包膠！
點知天宮不造美......落大雨？...錯！係曬乸到卜街,未到11點己經35度
唔好話行,企係度都濕哂,樹蔭底都沒位企,有冷氣嘅泡泡茶店坐無虛席








一落船第一時間整番杯芒果+橙汁冰沙￥10
芒果同橙汁非常匹配,再加上冰粒打成冰沙.....爽爽爽！

條街熱到頂唔順,求期揾間小菜館食午飯....唉！惡夢就係咁開始
一座低整番技大啤先,好喇開始點餸,野！點解沒菜牌....
坐低咗重叫咗啤酒.算喇,一餐半餐食好啲喇！最後原來我嘅决定犯下彌天大錯
豉椒炒海瓜子,差差差！3個差,勁咸

我隻斤8两龍蝦就咁比佢地糟遢！人仔三百幾呀
叫之前問佢地識唔識煮廣東菜,話埋比個廚知點造,個廚講到自已幾掂
一上枱乾炸龍虾葱汁,你話死唔死！差差差差差 5 個差
食過碟龍虾己經唔想再影喇,之後重有生蚝同帶子,連帶子都蒸唔熟！
間直係垃圾,浪費食材

坐咗成個鐘埋單,跟住試吓間係鼓浪嶼好出名嘅張三瘋奶茶

招牌奶茶,讚一個味道香滑,奶茶裡面加有提子乾同花生還有小小麥片
可惜杯茶唔係冰凍嘅！扣 1 粒星.....  4 粒星

由於當日温度超過35度,島上雖然好多人,但係個個都喱係樹陰底



熱呀熱呀！前後行咗两個鐘,最后選擇放棄！頂唔順就走
如果天氣涼小小可以玩足一日

包膠完畢！未到一點就繼續上路

師兄咁熱都會去旅遊, 仲有報告睇, 謝謝,
係大陸冇餐牌既地方食嘢, 隨時俾人斬到一頸血. 小心.
d相影得好靚.  

招牌奶茶有冇塑化濟???

睇完想笑 但好似幸災樂禍咁 Sorry啊 十一郎師兄
鼓浪嶼  單單幾張相已覺景色唔錯
但三十五度 我去到  D脂肪咪溶X晒 攞命咩
師兄  上面D人車嘅大炮  穿梭機都比佢打幾隻落嚟   佢哋無野唔掂  講下之嘛
十一郎兄實知國內人吹得下喇 只係熱到頭昏腦漲 一時失策  比左隻龍蝦佢教飛囉

唉......所以我唔鍾意夏天就係咁解!因為我最怕熱,熱到阿媽都唔認得 !遠行既話,真係唔好搞我 !我情願等到秋起涼風時,果時仲正 !多謝11哥冒著中暑危機都要為我地出報告!

Magic123 發表於 2011-7-6 14:57

                               
登录/注册后可看大图

師兄咁熱都會去旅遊, 仲有報告睇, 謝謝,
係大陸冇餐牌既地方食嘢, 隨時俾人斬到一頸血. 小心.
d相影得好靚. ...

個老闆講到自已幾掂,原來都係吹水,白灼龍虾都有鮮味

kkbbq 發表於 2011-7-6 18:49

                               
登录/注册后可看大图

睇完想笑 但好似幸災樂禍咁 Sorry啊 十一郎師兄
鼓浪嶼  單單幾張相已覺景色唔錯
但 ...

會再去多次,下次預訂島上酒店 可以玩得盡興啲,行到慶慶地就買返酒店開洹冷氣慢慢嘆
島上特式小吃非常多,每間幫襯一次食幾日都食唔哂,只係沒冷氣路邊枱,好似老廟咁樣街邊大排檔,嘩！三十幾度天呀！食餐飯再隊多两枝大啤,出多身汗{:4_134:} 想唔中暑都幾難.....

estheryau1221 發表於 2011-7-6 19:20

                               
登录/注册后可看大图

唉......所以我唔鍾意夏天就係咁解!因為我最怕熱,熱到阿媽都唔認得 !遠行既話,真係唔好搞我 !我情 ...

開頭諗住環島游,行吓沙灘,一路行一路食,朝早天氣麻麻地,重諗住會落雨,轉眼間就烈日當空

啤酒好飲咩....
我覺得不如飲汽水~啤酒好好好難啃吖！！！
念唔明點解會有人鍾意飲~
我都同意秋天再四圍去，夏天去海邊，有空調既食店食嘢好過。南澳都幾好啊~好鍾意食佢出產既魷魚絲！辣辣地~

福田十一郎 發表於 2011-7-7 09:29

                               
登录/注册后可看大图

開頭諗住環島游,行吓沙灘,一路行一路食,朝早天氣麻麻地,重諗住會落雨,轉眼間就烈日當空 ...

你慢慢行下，可以見d特式教堂，可以買d豬肉，牛肉干，茶葉。