本帖最後由 cm3924 於 2011-7-3 12:31 編輯
七一晚一大班人飛車殺入流浮山食晚飯, 聴到係流浮山食飯, 可能會覺得唔
會又係門口嗰間, 又或者其他較為出名食海鮮嘅酒家, 但係全部都唔係, 小弟今次去嘅
地方, 可能只供參考, 唔係好多人會去到食嘢, 千其唔好怪小弟有正嘢唔同大家分享
碗碟上有條龍响庶, 明黃色底加上"藍龍"幾靚, 影埋出來睇下:)
前菜小食, 拍青瓜, 幾爽脆可口, 加上醋和其他調味, 需然普通嘢, 但去到未食晚飯
之前, 食咗...開一開個胃口, 等待之後其他餸菜, OK
先比啲湯渣睇一下, 入面有主角係竹絲雞, 配角有豬展,淮山, 杞子, 沙蔘, 龍眼肉
及其他, 真係真材實料
講番足料老火湯, 好鮮甜, 好好飲, 由於材料足, 火候夠, 湯嘅色澤唔係好起眼,
湯面少少油, 唔肥膩但係飲落口就唔同, 媲美大酒樓嘅水準, 小弟飲咗一碗,
想再添多...半碗都冇
白焯蝦, 用手食咗好多隻, 由於是廚師係海鮮批發商, 貨源直接攞到手, 所以普
通一碟白焯蝦, 蝦身好鮮色, 肉質爽滑彈牙, 味道鮮甜, 點少少辣豉油, 真係一絕
呢一道菜真"正", 鮮鮑魚炆走地雞再加上雞腳, 鮮鮑魚細細隻, 小弟口大, 可以一隻
o趙晒,好鮮味, 彈牙, 肉身索到炆鮑魚和雞啲汁, 冇得頂, 但係其他人同小弟一樣, 原來主角係
隻走地雞同埋雞腳至啱, 成隻走地雞同埋雞腳索晒啲鮑魚汁入去, 好入味, 走地雞小小肥, 肉質鮮
嫩, 真係一隻走地雞, 而且SIZE唔係太大, 所以引用麗梅姐一句話, "雞有雞味", 而雞腳雖然唔
係新鮮, 但都係炆到好林身, 好入味, 總括而言, 呢碟餸係小弟以前重來都無食過類似一種形
式嘅菜餚
而呢條石班, 小弟唔識分係唔係青班, 淨係識得魚送埋黎, 分魚之後就起勢夾埋碗食,
成條魚蒸得啱啱好熟, 蒸魚時間洽到好處, 又係呢句, 肉質鮮甜, 加上蒸魚豉油嘅調味,
帶出石班魚嘅魚鮮味, 小弟响唔同地方食蒸石班魚, 呢度嘅蒸魚係其中一度最
令人難忘
再上一碟豉椒炒蟶子, 蟶子大大隻, 肉身爽甜, 食落好有口感, 少少辣, 可惜又係份量啱啱好一人
一隻, 食多件都無
黎咗一碟三色椒炆豬手, 睇到流口水, 個汁酸酸甜甜, 但係個味可能用偏咗調味,
同埋豬手炆得唔林身, 難咬啲, 失色咗
上一碟差啲唔緊要, 呢一窩港式調製, 泰式苳陰公湯, 入面除咗苳陰公湯主要材料大蝦, 泰國香料,
再加埋一啲蟶子, 大蜆及其他配料, 味道好鮮甜, 材料好豐富, 酸甜度教到啱大部份香港人可以接受入口嘅辣,
真係又唔會响其他地方可以品嘗到
全晚另一高潮, 奄仔蟹, 由於是當造時候, 唔使多作介紹, 蟹身小巧, 6-7両重, 羔特別多, 食落甘美可口,
睇下相會好啲, 係唔係成個口都係口水 :
幾多羔...差啲流晒出來...啲口水...
好喇, 精彩過後, 唔好禁貪心, 唔能夠樣樣都好味, 呢碟普通椒絲炒通菜, 味道還可以,
由於食過蟹, 味覺停留咗回味緊, 只係食多幾著, 食唔晒
最尾黎埋一碟, 鹹魚粒炒四季豆茄子, 色香味俱全, 好野味, 食返啲菜蔬類, 清一清先前啲肉味同海鮮味,
完結束當晚菜餚, 之後再食水果...
總括全晚無論環境, 食材, 招呼一流, 10人一枱, 唔使1800, 冇加一, 食物有特色,
去流浮山唔係淨係食海鮮, 雖然唔係响出名酒家食, 但係價錢相宜, 環境清淨, 菜餚有上佳水準,
值得推一推, 可惜唔能夠公開响邊度食,
因為係私房菜形式, 只招待相熟親戚朋友, 恕小弟無可奉告{:4_134:} |
立即注册
登录
提升卡
置頂卡
沉默卡
喧囂卡
變色卡
顯身卡
