本帖最後由 cm3924 於 2011-9-30 17:04 編輯
星期四晚(30/6), 同老虎大人去到屯門黃金海岸商場二樓的一間名為"SOU" DINING + BAR
的日式CROSSOVER西式餐廳食晚餐, ORDER 咗一個"海鮮炉端燒二人前套餐:-
第一道頭盤小食, 辣脆燒大蝦, 外層燒到金黃色, 少許辣同埋真係脆脆地, 食落郤爭D,
因為蝦肉霉咗, 肉質鬆散, 真的外强中乾, 唔掂
第二道小食, 鹽燒雞全翼, 呢碟雞翼又OK番, 外皮燒到又係金黃色, 味道啱啱好, 咬落入面
重有些少肉汁流出, 唔乾, 啲雞肉滑一滑, 比番個GOOD
第三道小食, 燒日式魚餅, 外形做到魚身一樣, 估唔到日式魚餅攞去燒下先食, 又幾好味,
魚肉食落爽口彈牙, 有口感, 食得多香港式口味魚蛋/片, 食呢樣日式魚餅, 又有另一番
滋味:
第四道小食, 吉列帶子沙律, 吉列帶子炸到甘香鬆脆, 入面帶子還是軟身, 無炸到過火,
一個字"正" 沙律蔬菜好新鮮, 加少許沙律醬, 小弟都清埋, 一啲都唔嘥
轉一轉, 再來一客西式什菜湯, 湯味濃郁, 什菜煮到好林, OK GOOD LA:)
主菜一, 點了秘製羊架, 味道初時咬落幾好, 有羊肉獨有嘅鮮味, 可惜o趙落去好多筋口位,
好難o趙爛然後吞落肚, 失敗
而另一道主菜, 鹽燒鯖魚, 個胃口又唔同晒, 番晒黎, 鯖魚外皮燒至脆, 呢種脆又唔同燒蝦和
燒雞翼, 火候掌握得洽到好處, 魚皮食落小小索索聲, 魚肉嘅肉汁鎖响入面, 唧小小檸檬汁上
去釣一釣味, 可以是今晚PERFERT嘅菜式
最後黎個海胆炒飯, 入面有少許海胆, 魚子粒, 粟米, 飯炒得就差D, 無香噴噴, 所以有D
美中不足嘅感覺
好喇, 埋單388加1=427 兩位, 個價係貴咗, 每人都要兩舊水多啲, 不過有另外一樣嘢加番分,
就係下一張相...
張相無特別, 不過左手邊後面是無敵黃金海岸靚海景, 雖然是室外, 但是食晚飯時有些少海
風吹著, 又係另一種感受, 好寫意, 好舒服, 尤其是假期前的一天, 因為第二日唔使返工,
忙裡偷閒, 真係減少唔少壓力, 點解咁講, 因為這間餐廳是兼顧酒吧生意, 開業到零晨兩點鐘,
如果大家唔怕夜, 可以食完晚飯之後, 再坐低飲下嘢, 吹下水, 不過呢道坐幾奈都唔會趕客人
埋單走人, 都幾好, 請呀{:4_137:}
|