到深水埗, 又去了山窿餃子館 (山東麵+小吃)

显示全部楼层 · 发表于 2011-6-24 10:44:53

本帖最後由 cm3924 於 2011-6-24 10:40 編輯

琴晚得番一支公, 無勿細藝, 走咗去深水埗行下高登同埋黃金, 噏哋下啲手機同電腦資訊, 晚上八點幾行完見肚餓, 記起之前食過幾次位於元州街的山窿餃子館o 於是响高登行過去, 行兩三分鐘過多兩條街就揾到, 好易揾, 响綠x甜品舖隔離左手面一間舖o 好多大哥大姐去到深水埗, 最多係去食米線, 豬膶麵, 勿勿茶檔, 物物小炒, 林林種種... 而小弟一支公, 晚上八點幾唔想同人逼, 所以去番呢間餃子店食下餃子和其他, 因為小弟唔算好肚餓, 唔想食太多嘢o

去到餃子店, 由於是繁忙時間同埋呢間係細舖, 所以門口也有幾個客等緊, 好彩小弟一個人, 輕易攝入一個單丁位, 坐低便馬上點番之前鍾意食嘅(1)涼拌青瓜, (2)蕃茄餃子, (3)羊肉串三樣, 其中又係至愛的羊肉, 餐牌都無攞黎睇下, 點知出了小問題, 稍後再講, 先講番啲嘢食o

(1) 涼拌青瓜, 10元/碟: 青瓜好新鮮翠綠, 放入口趙下好有口感, 幾爽甜, 上面加咗少少熟油, 因為呢一碟係涼拌小食, 小弟鍾意成碟食晒先食其他熱食, 但係食完又唔會頂住個胃而影響之後食唔落其他嘢o

(2) 淨蕃茄餃子, 24元/10隻: 之前最鍾意食, 因為其他地方好少有類似用蕃茄做餡嘅餃子, 而且呢度啲餃子全是人手包的, 雖然唔可以話皮薄餡靚, 因為餃子皮太薄經過湯煮或者煎會好易穿窿和散, 個零月無去食過, 依然無走樣, 蕃茄加上豬肉餡, 湯煮過後今次隻隻都無散到, 因為之前食過也有一兩隻做得唔好, 煮熟之後已散咗, 肉汁流晒响個碟度o

(3) 羊肉串, 10元/串: 水準不過不失, 不能和其他專做肉串和國內的什麼肥羊, 牧羊相比, 也有些口感, 少少辣嘅調味料在肉串上加番啲分, 算合格o

由於今次是一人份量, 其他食物不能在這裡一齊詳情介紹, 但之前也食過其他湯餃/煎餃, 雞絲拌麵, 麻醬拌麵, 担担麵, 有辣有唔辣, 餃子加雲吞有成十四種味, 麵或粉有四種, 上海麵, 菠菜麵, 南瓜麵和蕃薯粉(全是手打成), 肉串少啲, 只有羊, 豬和雞, 為何沒有牛? 真係唔明, 無所謂, 小弟是唔食牛, 但其他客要食牛點算, 好彩重有兩樣, 五香牛肉麵和醬牛肉補番數o

之前講了出咗小問題, 是價錢問題, 原來六月份開始加晒價, 餃子之前個價, 普通的20元/碟, 而家要22元, 升幅10個巴仙, 其他小食升幅更大, 羊肉串由8元/串加到10元/串, 雖然也是加了兩蚊, 可是升幅達到25個巴仙, 真是通脹帶來的惡果, 小市民更難捱, 今次食咗三樣嘢, 用咗44元, 貴了, 因為之前未加價一般用咗30多元/位, 而家要用到40多元/位o 如果多幾個人去食會好啲, 食多幾樣嘢, 除開應會化算啲, 另外這個舖是第三分店, 由於是細舖, 見到有三個樓面和一個收銀在內, 而且只有三張兩人枱, 四張四人枱和兩張較大圓枱, 只可以同時容納30-35人, 繁忙時間如果一大班人去到要等一等, 無得訂位, 同埋三間舖都响深水埗無其他分店, 住在深水埗附近會就腳啲, 也可以去總店和第二店試一下, 因為其他兩店個舖會大啲, 真係橋, 小弟今次介紹又係山東啲嘢食, 唔知水準同真正山東麵和小吃相差有幾遠, 謝謝收看!