食完硬到頂穿褲......功能粥 + 脆皮狗肉

显示全部楼层 · 发表于 2011-6-6 11:35:05

廣西天氣確實比較熱，當地人食飯都係菜多肉少，而且每餐食飯又食粥，因為食粥可以解暑，但係食粥唔夠飽肚，所以又要食啲飯落肚。

當地人炒菜比較喜歡加入酸料，酸料有酸筍、芋頭莖、酸菜，酸辣可口，配粥一齊食好開胃。呢幾碟係爽口小菜，右邊最上紅色係鮮辣椒，下面依次序係酸蕹菜梗、炒黃豆；左邊最上係醬油，下面依次序係蘿蔔絲、鹹菜脯、最下面又係醬油。

呢碟係酸筍炒蕹菜。

呢鍋係「功能粥」，所謂「功能粥」就用雞肉 + 雞雜 + 瘦肉 + 香菇熬粥，仲一種重要配料係雞春，一鍋粥落重料放咗幾十粒雞春，食完保證下面硬哂。

街邊傳出陣陣肉香，遠睇以為係烤乳豬，又唔見有個豬頭，行埋去睇真下，原來係脆皮狗肉，表皮烤到金黃色，真係好似烤乳豬咁脆。

將狗肉切開一塊塊，注意表面烤到金黃香脆，原來裏面仲未熟透，要再拎去落鍋煮熟。

一般都係用呢幾款蘸料，上面係香菜 + 生韭菜；左邊係麻油 + 狗肉汁；右邊係紅辣椒。

狗肉煮熟後可以上檯，廣西狗肉一般以乾鍋為主，可以充分散發肉香，真係「狗肉滾兩滾，神仙企唔穩」。
用電磁爐加熱，湯汁會好快乾，咁就倒啤酒落去再煮，味道越來越濃郁。

狗肉、狗肚、狗腸、狗爪、狗尾......

发表于 2011-6-6 21:36:00

估唔到你真□系去廣西，去□左廣西邊個位置？

功能粥睇落好正！雞春=雞子，滾粥/打邊爐既正料！

狗肉

。。。。真□系阿尼陀佛{:5_150:}
廣西好多騎尼o野食,睇你敢唔敢試jek,....

餐□野食□左幾錢？

发表于 2011-6-7 13:10:39

:)woo~脆皮狗,正!!!

发表于 2011-6-7 14:57:47

好可憐嘅狗……

发表于 2011-6-7 15:52:11

「功能粥」入面個粒係勿春?? 好似痲甩食咗塑化劑後的縮小版!!!

发表于 2011-6-7 16:41:41

又鷄粥、又狗肉，師兄食完真係頂穿褲啦

发表于 2011-6-8 06:44:15

師兄厘餐咁補身食完果晚有無瞓過啊

发表于 2011-6-8 09:03:48

D粥好岩我，師兄肯定成晚都5使訓啦！

狗肉就接受5到啦，因為食完次次都嘔突

发表于 2011-6-8 14:17:18

狗肉。。。。真□系阿尼陀佛

发表于 2011-6-8 15:23:26

脆皮狗肉再翻煮咪同火腩原理一樣,咁就唔叫脆皮啦

不过狗肉真係冇興趣

食完硬到頂穿褲......功能粥 + 脆皮狗肉

评分