九龍城清真牛肉館令我成晚無得瞓

显示全部楼层 · 发表于 2011-6-2 20:23:09

日前諗起好耐未去過食九龍城清真牛肉館自從機場搬左之後都少到九龍城搵食但今次真係一鑊就嚇怕食到我隻老虎扁晒嘴我諗我有排唔會幫襯九龍城清真牛肉館

食完清真牛肉館的食物鹹到我食完立即去飲杯廿四味用苦味中和味精和鹽的味覺反應我對過量味精會中毒好口渴我飲完杯廿四味都唔掂  再去用甜品中和味精毒  再飲多支500ML蒸餾水

回家途中在巴士上口渴到想死  返到屋企立即沖一杯特濃花旗蔘茶  這是我解中味精毒的絶招  但今次要連飲兩杯才能解毒  可見今次中毒頗深  飲左咁多水的後果  就係成晚起身囉

招牌必食牛肉飽唔係角度問題嘅錯覺真係一大一細

以前的牛肉飽我曾經試過比D飽內汁液燙傷咀唇但今天的牛肉飽可以大大啖咬這個飽不温不吞此牛肉飽的賣點盪然蕪存得番三成功力

奶油津白味道保持奶油獻汁夠滑口但鹹左少少是今晚尚算合格的一個

清真牛肉館的三鮮炒麵是當年我和老虎都讚算是最好的每次必食之選但今日的三鮮炒麵完全180度轉變以前一個煎得焦黃微脆的素麵上淋上有雞絲蝦仁火腿片竹筍片的晶透獻汁賣相討好味道更回味至今

但今天的三鮮炒麵竟然有急涷斑塊(超鯹) 配上鮮尤蝦仁像炒小菜一樣鋪在一個炒得鹹很得要命的豉油上海炒麵上面單是賣相未食我都知大鑊我從未見過一個咁款嘅三鮮炒麵

雞肉雲吞包雲吞功夫唔錯雲吞尾有點像廣東雲吞的金魚尾雲吞皮也不錯但雞肉餡料仲鹹過三鮮炒麵個麵我同老虎每人食左兩粒再無辦法食落去

老虎忍唔住投訴D野太鹹樓面送上豆漿一杯請我地飲仲話如果鹹果頭下次第一口就要講喇早講咪换比你地囉多能謝晒喇無下次架喇

我真唔明白味道搞成咁清真牛肉館點解仲有咁多人等位

发表于 2011-6-2 21:29:46

我同朋友係紅磡蕪湖食過1次，我地一行4人一路食一路小，從來都未試過咁齊心架

发表于 2011-6-5 01:56:42

吓!!!!

呢間清真,,當年留低唔少回憶架..
為咗佢個牛肉餅,,排成粒鐘,,,
唉,,,,,,都係嗰句,,,,做得好唔難,,,keep 得到係最難....

发表于 2011-6-5 13:44:04

以前經過成日見條排隊龍好長咯。
生意好都要keep返出品啦。
唔喺盞砸招牌囉。。

发表于 2011-6-5 15:27:36

三四年前有食過，係幾好食架﹗ 睇完你包膠，估唔到依家咁差喎﹗

发表于 2011-6-7 22:13:32

當日我在"Facebook"打卡話等緊位

已有同事叫我走

因為好難食但咁啱又到我有位.......

发表于 2011-7-10 15:26:55

牛肉饼超级好味

发表于 2011-7-14 10:28:30

kkbbq 發表於 2011-6-7 22:13

登录/注册后可看大图

當日我在"Facebook"打卡話等緊位已有同事叫我走因為好難食但咁啱又到我有位....... ...

是否因為它有些師父另起爐灶, 無了以前水準

, 可能要試下老班底開在街頭的那間店, 但客人是少很多.

另有次在清真的分店吃其下午套餐, 又貴份量又少, 味道一般.

不過我認為它的咖哩羊腩水準仍可以, 會外賣回家拌北方白面條吃, 這不錯的

发表于 2011-7-16 12:42:05

<<以前的牛肉飽我曾經試過比D飽內汁液燙傷咀唇但今天的牛肉飽可以大大啖咬這個飽不温不吞此牛肉飽的賣點盪然蕪存得番三成功力>>

佢依家既牛肉飽差到無朋友，得一舊死實實既所謂牛肉，仲衰過我樓下上海佬賣$4一個既飽點。

发表于 2011-7-23 11:24:07

象兄，此舖我亦曾專程去試過一次，
牛肉餅都算好食，師父係重的！
其他食品如㗎哩牛腩等不是特別出色，
其實好多舖都係名大於實！

九龍城清真牛肉館 令我成晚無得瞓

评分

九龍城清真牛肉館令我成晚無得瞓