本帖最后由 kkbbq 于 2011-5-22 15:31 编辑
今朝一早 專登同老虎搭半個小時車去"屯門藍地村"食粥
屯門藍地街市 老字號"祥記粥檔"
我專程由天水圍落屯門藍地 就係要食這碗及第粥 粥內的豬心 豬粉腸 豬肚 豬肉真是無令我失望 還有特別好食的豬潤 我隻唔食豬潤嘅老虎都話好
我隻老虎碗"生菜鯪魚球粥" 不過不失
厘個"炸糭"第一次食 上次賣晒 我仲以為鹹嘅 原來甜嘅 不過係小小甜果種 外圍似一個鹹煎餅 少少鹹 這個糭中間小小甜的糯米 加上外圍一個少少鹹的鹹煎餅 配搭得又幾特別 可惜我食這個"炸糭"涷左 否則會更好味
牛脷酥 比市面賣的細左三份一 但味道……我隻老虎打包左三條 比佢D麻雀腳食
厘碗豆腐花 六皮 滑 就一定要喇 但重真係有少少豆香先難得 當今世上豆腐花 只注重"滑"但味道把鬼 "祥記粥檔"這豆腐花OK啊
一碗及第粥 一碗生菜鯪魚球粥堂食 一碟炸糭 + 一碟孖腸 + 一碟油炸鬼 + 一碟牛脷酥 + 一碗豆腐花 + 打包左三條牛脷酥 合共80大元埋單 |