本帖最后由 kkbbq 于 2011-5-16 21:24 编辑
油麻地美都餐室 當年我多在附近出沒 所以二三十年前 已經常幫襯 果陣時除左出名錦鹵雲吞外 都無人講過美都有好食 有乜出名 但我當年最欣賞美都餐室的是紅豆冰
現今懷舊風和嗜食文化 把美都餐室塑造成一個覓食景點 在廿多年後 我也在潮流驅使下 再重踏美都餐室 一杯17蚊的紅豆冰 唔算貴丫 但你睇吓杯紅豆冰個賣相 你都心中有數 這杯紅豆冰有幾好飲喇 紅豆冰 唔係乜嘢高技巧野 紅豆只要夠綿 少少起沙(紅豆質數非常重要) 其次落得夠淡奶 就已經夠滑口 有奶香 但係單看外觀 已知兩樣都做不到 我以前杯紅豆冰去左邊度呀 焗豬扒飯 48蚊 我真係好服厘碟焗豬扒飯 係服佢夠膽收48蚊 大家活兩間無飯鐘錢的焗豬扒飯 一定好過美都餐室好多 我好耐無幫襯大快樂兩間無良食肆 但佢兩間野 我諗點都唔會收 48蚊一個焗豬扒飯掛 48蚊一個焗豬扒 好食唔緊要 但都係果句喇 但係單看外觀 已經(下删粗口三千字) 紅豆冰17蚊 焗豬扒飯 48蚊 盛惠65蚊
(再次下删粗口三千字) 我呼籲大家 唔好再比一D盲目吹捧愚弄 "美都餐室"只是個景點 不是一個食點 如果"美都"定價相宜還可以 但它的價錢拍住酒店 咁樣仲入去比佢劏 水魚D啩 12:30在美都餐室食完午飯
15:00又想飲咖啡 在尖東新文華中心 "香港茶餐廳" 食左個19蚊下午茶餐 非常好食 涷檸啡一杯 鮮油脆豬包 (涷檸啡另加五蚊) 飽脆 啡香濃 19蚊 抵食過美都餐室喇 |