本帖最后由 無爭有為 于 2011-5-8 19:56 编辑
星期日係羅湖商業城頂樓小桃園,18;00去到人山人海,排左半個鐘隊至有檯,因為趕去坐車,
所以求其叫了幾樣,估不到上菜都頗快!
居然真係請印度人來整薄餅,可惜趕時間無食到!
餐牌簡介,小菜的價錢都算合理,而且選擇繁多!
場內坐到爆滿,認真虛陷!
餐前小食,涼拌海帶,鹽焗腰果,兩樣都好好食,一陣就掃晒!
柯打了片皮鴨兩食,一食52,每多一食加10塊錢!
先講片皮鴨,果位師傅片得真差勁,求求其其片了9片就推走架車,
片鴨手法亦嫌不夠精湛,太大塊啦。 4/10
西芹炒鴨絲,普普通通,無物驚喜! 5/10
蜜糖豆清炒鮮百合28塊,清清地剛好去了片皮鴨的油膩 6/10
生魚每斤25,要了2斤,兩味加10塊共花60塊
首先豆腐芥菜頭尾湯,好清甜,好飲! 7/10
碧綠炒球,又係西芹真討厭,但魚肉食得出頗新鮮,
可能同人流旺去貨去得快有關, 6/10
最後埋單人仔165,不過不失,但返卓指數甚低!
因前門太多人,係後門走無咁迫!
溫馨提示: 呢度已經開始實施室內禁煙,各位吸煙人士請注意!
(報告完畢,謝謝收看)祝大家食得是福!:y-22: |