星期日 在大帽山川龍村飲完茶 就出發去我們第二個行程"行山" 由川龍村行左兩個半鐘 去到城門水塘小巴站 再乘小巴去"荃灣季季紅風味酒家"食飯 蝴蝶腩白菜豬肺湯 超甜好飲 蝴蝶腩個名幾靚 但肉質麻麻 豬肺味淡但豬肺是食口感
Good丫 白菜已煲得好淋 可惜太少Lu 季季紅出名乳豬 我地叫左半隻 初初保個都話驚食唔晒 那半隻皮脆肉嫩的乳豬 最後在五條麻甩佬蹂躪下 連個乳豬頭都食埋 蝦子柚皮 柚皮發得十分好 夠淋身 無苦澀味 柚皮上面的蝦子 亦十分有香濃蝦子味道 例牌燒鵝 好彩厘個叫例牌 唔叫半隻 因為毫無特出 等於普通燒臘檔貨色 費事講佢 Next 欖角蒸"邊魚" "邊魚"是春天時份最肥美的淡水魚種 "邊魚"肉質細滑 鮮甜 有個本站元老會員 佢最憎食多骨魚 但也讚條魚好味 "邊魚"真係勁多幼骨 要好小心咁去食 如果將欖角啄碎 加上少許紅椒絲來蒸 這條"邊魚"會味道更皆呢 |