本帖最后由 yukfa 于 2011-4-27 21:41 编辑
早幾日去粉嶺公幹, 完事後就到呢間聯和墟人氣店群記牛肉丸豬手醫肚,
呢度最出名係豬手同牛丸, 咁就叫左一碗丸手麵($25),
牛丸比較細粒, 幾彈牙味道都算ok, 不過小弟對食牛丸興趣都是一般,
黎群記主要都係食豬手.豬手應該係用清湯煮的, 跟平日食開既南乳炆豬手好吾同,
保持原汁原味,而豬手食落去時係啖啖肉, 爽口而不肥膩, 正.
重有係群記一定要試既就係呢度自家製既辣椒油, 辣椒油吾太辣但非常香,
配合清湯煮既豬手, 真係絕配,
本來重想叫呢度另外出名既牛肉炸卷, 不過未夠四點已經賣晒.
最後一提就係群記呢度係冇冷氣既, 夏天黎要有心理預備會食到滿頭大汗.
食完群記後,因為食吾到牛肉炸卷, 好似未夠侯, 就走左去附近既四眼仔腸粉,
叫左$4腸粉 $2燒賣 , 燒賣味道一般, 腸粉就好滑, 而個麻醬也好香,小弟食腸粉
覺得個麻醬香吾香好重要,四眼仔腸粉真係又平又正,$1 1條腸粉而家真係好難搵,吾怪得要排隊先有得食. |