本帖最后由 kkbbq 于 2011-4-11 23:03 编辑
小象剛到澳門四出覓食 但Vshare未有澳門飲食區 小象又希望和Vshare會員分享 現暫借香港區發表劣作 如"管理員/超版"認為不太合適 歡迎代為移走 小象謹此預先向"管理員/超版"致歉 晨咁早去到信德中心 一上到去就有黃牛黨問我 買船飛未？ 我用一舊水幫佢買左張頭等艙 頭等艙 除左靚D 座位寬闊D 舒服D外 原來重有野免費野食添 有三文治、杯麵、咖啡、奶茶、汽水、蒸餾水………. 我都未食早餐 但當然唔會 為左唔好蹝食個杯麵喇 我只係叫杯齋啡 食左果包細細包嘅花生 十點鐘 就去到我一直想去 但老虎點都唔去的舊式茶樓 大龍鳳茶樓食我的澳門第一餐 第一Round大龍鳳茶樓 我厘個伯爺公 當然要去嘆番一盅兩件先 一坐低 已聞到一陣厠所味 好似中左網上D吹水怪嘅計喎 雞球大飽 我根本唔鐘意食大飽 但在香港有雞球大飽食的地方 真係少之又少 所以點都要試吓D懷舊嘢 雞球大飽 內裡有雞肉、叉燒、肥豬肉粒、蝦肉粒、冬菇、雞蛋 說實話 除左飽皮幾好食外 饀料味道真係把鬼 即蒸鮮蝦餃 真係即蒸 要等十分鐘先有得食 賣相一流 香港好難搵到一隻包得咁靚嘅蝦餃 請留意蝦餃身上 有成九條摺紋 蝦餃上端彎彎地翹起 真是一隻好有美感的蝦餃 應是老師父才有此手藝 但賣相和食味剛好相反 蝦餃餡料 其實好簡單 鮮蝦、肥肉粒、竹筍絲、調味料就此而已 但一食就知雪蝦唔在講 內裡連肥肉粒、竹筍絲也欠奉 調味料也十分淡薄 全數蝦餃原來只可用來觀賞用 老虎點都唔黎大龍鳳茶樓飲茶 真是明智 第二Round 南屏雅敘 聽個名一定以來又係舊式茶居 但這是一間舊式冰室 再去食西茶早餐 一個"中式冬甩"沙翁 淡齋啡一杯 杯齋啡63分喇 "沙翁"都唔算好鬆化 普通料者 南屏雅敘出名"沙翁" 有好多港人慕名而來架 我覺得厘間南屏雅敘 個懷舊feel正過D出品 13：30諗住去"黃枝記"食個蝦子撈麵當午餐 點知"黃枝記"竟然開下午三點至凌晨兩點 有無咁大牌啊 第三 Round 譚家魚翅 上次同D同事去過 魚翅撈飯 一樣同上次咁好味
趐湯浸芥蘭 芥蘭可惜太淋身 我鐘意食爽芥蘭
第四Round 美的雪糕 澳門土產雪糕車 同香港"富豪雪糕車" 一樣咁出名 澳門土產"美的雪糕車"嘅雪糕 重貴過"香港富豪雪糕車" 我食完譚家魚翅 出面都有一架美的雪糕車 賣20蚊一杯 痴黐X線嘅 十蚊一杯 雪糕大過隻雞蛋黃多少少 兩啖食晒 味道亦唔值十蚊 唔食都無損失 食左損失十蚊
第五Round 營地街市下午茶 記得上次見梓記的牛腩好靚 上去整番碗 點知四點就賣晒 正想離開默知見到個老友 咁都碰到真係好開心 老友請我飲下午茶 豬扒飽 熱咖啡 但食左乜味道呢 掛住傾偈真係唔知食左乜落肚 第六Round 榮記豆腐 和老友分開後 去另一個地方再下午茶 一碗豆腐花加花奶 滑到無朋友 第七Round 黃枝記 心深不忿 午飯食唔到就當晚飯食 薑葱魚皮 又係少有吃得到的東西 但齋得過爽字 無舍特出 失望 蝦子撈麵 厘個就似樣咧 我一邊影相 已聞到麵的熱力將蝦子的香氣迫出 吃的時候蝦子味更濃郁 果然是招牌蝦子撈麵 蝦子撈麵的湯也有鮮美蝦味 這一定是用傳統方法 蝦殼大地魚煲出來的湯 第八 Round 義順牛奶 一碗涷雙皮奶作為晚飯甜品 也是今天在澳門遊玩的結尾
18蚊一碗"雙皮奶"不算便宜 但品質是值得去完再去 食完又食的 | 
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡
