本帖最后由 kkbbq 于 2011-4-5 18:56 编辑
聽聞 筲箕灣有條叫"東大街"嘅地方 一條街短短的街 有很多好吃的食肆 作為一個為食肥佬 點都要去試一下 星期日由天水圍出發 搭西鐵去美孚再轉乘102隧道巴士 由天水圍至筲箕灣 全程兩小時
東大街 有檔雞蛋仔好出名 賣11蚊一底 仲要圍滿人 不個佢有成十個爐 好快就買到
11蚊一底雞蛋仔 有乜特別呢 又真係幾好喎 一揸上手你已知足料 有重量感 唔同普通7蚊一底果D輕飃飃咁樣 而且能做到"心軟皮脆"效果 抵佢賣11蚊一底雞蛋仔嘅 好嘢
12點已飲完茶 去到東大街四點鐘 目標是一間叫"恆河"的印度咖喱屋 他有一個名菜"腰果牛油咖喱雞" 就是這個菜名 把我吸引左去東大街 點知"恆河"並非全日營業 要六點先開門
見對面有間叫"泰國人海南雞" 咪過去食少少野先
我老虎要個香茅雞翼金邊粉套餐 香茅雞翼金邊粉味道唔錯 但未見特出
個暹羅炸魚餅品質普通 不過個汁好有泰式味道 可掩蓋魚餅的不足
我食個黃咖喱牛腩拼蒜蓉飽 牛腩夠淋身 用坑腩並非是死實的胸腩 咖喱更是十分唔錯 香而不太辣 食淨果的黃咖喱 真係想打包回家 我諗單用咖喱汁撈飯 都食lam lam脷
因為唔係肚餓 只係想食野 所以選擇黃咖喱牛腩配蒜蓉飽 而唔係配白飯 蒜蓉飽都有70分水準 點咖喱來吃算是不錯
涷青檸檬水 兩片咁多的泰國青檸檬 但都幾香喎 美中不足唔記得叫小小小小小甜 一餐都算唔錯嘅下午茶 都只係68蚊
飲完下午茶 再搭車去"石澳"行個圈 七點半又去番東大街 諗住去"恆河咖喱屋" 食我嘅此行重點項目腰果牛油咖喱雞 點知去到恆河咖喱屋 見到門口大排長龍 妖！我同老虎都至憎排隊… 老虎又仲話幾飽… 不如去食甜品… 又好喎…
甜品老媽 Facebook 打卡有兩皮回贈
一間佈置頗特色的甜品店 全店牆壁上貼上一些手寫 手畫 的可愛宣傳推介
老虎食忙菓涼粉 老虎大讚好食
我的唔記得叫做 乜鬼椰汁滑河粉
一支串燒牛柳 一客蒜蓉飽 件蒜蓉飽好好喎 仲好食過泰國人果件
上車返天水圍前 買左杯10蚊的蓮霧萍果汁 一包五蚊的印尼蝦片 來結束今日之遠行 雖然四小時的車程 但都算食得開心 可惜還未食到"恆河印度咖喱屋" 而且仲有東大街中 很多聞名的魚疍… 上海飽…日式拉麵…蝦蟹粥… 螢光茄汁焗豬扒飯…………"東大街"I will be back | 
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡
所以 現在開始學人減下磅
