煙花三月，轉暖還寒之時，春風拂面，正是出遊的好時機。此時恰恰sofood有活動，一個華麗聚會，一場饕餮盛宴。
3月26號，剛好星期六，下晝得閑，咁就報名參加咗E場試食大會。中午12點鐘準時到步，羅湖廣深賓館2樓，順風雅廚，之前有考多報告出咯，所以專登來會一會e間人氣酒樓。
酒樓嘅裝修都算豪華大氣，sofood特登為我哋準備咗一間VIP包房，環境真系無得說，睇來今次唔系一個一般嘅試食喔。
包房環境一覽
房間非常寬敞，比人嘅感覺好舒服。
水果，一人一碟，送嘅，平時食開飯后先上生果盤，e度系飯前送，據酒店老總話，飯前水果飯后茶，先至夠營養，果然諗得周到啊！
D餐具，星光閃閃，睇來衛生方面都系落足功夫啵。
齊人，埋位，上菜
粟米羹，都系送嘅，非常OK，香、甜、滑，味道好濃。
田園四寶，38蚊，營養農家菜，搭配有特色，天然綠色嘅五穀雜糧宜家好少食得到咯。不過，算來算去，好似系五寶喔:y-9:
大豐收，18蚊，初初以為e個先系田園四寶添，因為得果幾條野，名叫田園四寶貼切D啊嘛，撈亂啦撈亂啦。e道系東北特色菜，據說，全部材料都來自東北，口感清爽，好脆，紅色果D系東北嘅一種特色農產品-紅心蘿蔔（好似系），好少見到，我都系第一次食，綠色營養咁嘅說話就唔講啦，單系口感就已經值得一試啦。不過就系量有D少，貴在精緻呱。
大白菜，18蚊，貌不驚人嘅一道菜，估唔到嘅系，e道野，竟然系全場第三名，咁肯定有佢過人之處啦，涼拌做法，保持原味嘅同時，又有少少微辣，爽口，非常開胃。
煲仔翅，68蚊/位，全場第三名，好入味，唔會有好腥嘅味道，非常營養，湯汁好濃。
花膠老雞湯，D花膠初初以為系銀耳添，味道很濃，口感好滑，容器好特別，分上下兩層，上邊裝湯，下邊點住蠟燭，可以保持到溫度又美觀。
鮑汁紅腰豆沙參煲，68蚊，容器都系分上下兩層，下邊點住蠟燭，夠火候，紅腰豆煲得入味，又唔會淋。
宮廷片皮鴨，128蚊全場冠軍菜，果然系實至名歸，北京名菜，味道正宗，走油，材料搭配綠色新鮮，醬料都好特別，麵皮都系用果種容器，可以保持溫度，仲一層隔一張紙，方便攞喺手上，人性化，值得贊。碟邊果只小小嘅白天鵝，唔知系乜來嘅，有冇人食到啊？
睇下師傅熟練嘅刀法
蟲草花炒蚌片，68蚊，用料多樣化，惹味，爽口，唯一不足，材料切得細過頭。
飄香桂花魚，51蚊/半斤，魚肉新鮮，有話咸過頭，我就覺得剛好，魚肉新鮮入味，不過焗得太過干啦。
紐西蘭牛扒，198蚊，貴過頭，賣相唔好睇，五花腩咁，口感好韌，味道就嘛嘛哋啫，期待改進啊，個人意見。
荷蘭豆炒臘腸，15.8蚊，算普通嘅一道菜色，冇驚喜，不過用來送飯絕對一流，性價比高咯。
私房雞，48蚊/半只，都系用果種容器來裝，雞肉比較嫩，味道OK，如果你食倦鹽焗雞，又想試下其他味，可以來e度試下。
石燒五仁剛果，38蚊，具體材料已經冇從追究啦，椰汁嘅清香加上剛果嘅口感，搭配得天衣無縫，湯汁少咗D，容易蒸發干。
雞汁銀耳煮肉丸，15.8蚊，湯汁非常OK，肉丸質量差D，完全唔彈口嘅，影響咗成煲野。
火腿大芥菜包，48蚊，哇，咁貴嘅，本來系非常好嘅一道菜，無論口感或者味道，但系價錢實在系唔敢恭維。
上湯時蔬，38蚊，非常經典嘅上湯時蔬，就系青菜煮得淋咗D，冇咗果種應有嘅口感。
食完收工。
今次試食咗咁多野，希望冇錯漏啦。總體來講，今餐系非常不錯嘅一餐。酒樓環境好，睇得出系好比心機系度做。但系好似以前有師兄話過，菜品嘅量有D少，希望酒樓可以喺e方面落多D功夫，咁就更加完美啦。 |
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡
