食通天深圳系列（1）東北人餃子坊

其實我平日對餃子冇乜嘢興趣，但係個friend想食，於是剛剛去咗一間叫東北人嘅菜館，位置係金光華廣場（嘉賓路）對面，正門喺一間叫SOHO嘅酒吧後面，較為隱蔽但係唔算難搵。

呢度分開兩層，地下個層有一列平台（扮農村個啲灶台），而平台上面係一排排卡位，有啲似日式tatami，不過地下個層已經full哂，咁我哋惟有上去二樓。

話就話係食粗糧、餃子，但係同麵點王比較，呢度啲嘢完全唔係粗，亦唔止淨係食餃子。本來想叫碟醬架骨，咁我見到隔籬檯啲人揸著碌「羊棒棒」食得好滋味，於是即刻叫咗四碌「羊棒棒」嚟食。

所謂「羊棒棒」即係手抓羊肉，有下半截手臂咁長；上半截手臂咁粗，聞到微微略帶羊肉嘅香羶味，但係食落又唔覺得有羶味，而且肉質細嫩香滑又多汁，食完仲揸著碌骨係咁吮唔想放手∼∼∼正！

後來又叫咗小雞燉蘑菇，湯汁嘅味道較濃，尤其係裏面嘅粉絲嗦哂啲肉汁仲鹹，而粒粒雞肉、干臻蘑菇都稍為喈口，但係要嚟配淡味嘅鍋鍋頭都可以接受，亦冇太過油膩嘅感覺。

至於鍋鍋頭嘅size大過我想像之中，口感厚實，由於較為乾身冇水份，所以唔會有鬆化嘅口感。

另外又叫咗特價嘅炖湯，一盅係人蔘燉母雞湯；另一盅係野菌燉棒骨湯，但始終係「一分錢；一分貨」個句，都預咗係例湯嘅質素。

                               
登录/注册后可看大图

涼拌海帶絲　　￥15／一碟
手抓羊肉　　　￥15／四條←very good！
小雞燉蘑菇　　￥28／一碟
鍋鍋頭　　　　￥2／八個

人蔘燉母雞湯　￥6／一盅（原價／￥9）
野菌燉棒骨湯　￥6／一盅（原價／￥9）

多謝賓兄提供，感激!!!!

在國內食飯真是便宜!!!!因此吸引港人經常北上"搵食",三五知己一餐二三佰元,已經一台都係,在香港一半也難!!!

有機會要去吃一下

我都去過算係抵食同夠快~值得一試

好似好好味..

我都去過  thanks

東北正喎!!
行開去...有機會會去試下先

好唔好食???

好似好得咁