見到個標題冇唔會,唔系學校嘅飯堂。
星期日去寶安,中午經過新安中學,對面系一條食街,好多日韓料理,唔多鍾意,發現有間茶餐廳,名曰“御品”,
喺二樓嘅。上到去發現用餐嘅人全部都系學生哥同學生姐,仲以為來到學校飯堂添。
環境都幾乾淨利落。餐品都系平時茶餐廳食開果D,冇乜特別野。
睇來睇去,叫咗個洋蔥豬扒飯,加個燉湯。燉湯冇其他野選,就得個五葉神煲瘦肉同另外一個唔知道叫乜。
叫咗個豬扒,比咗副刀叉,食飯定系鋸扒啊?到後來我冇用到,又要攞筷子又要攞刀叉,邊有咁多手仲用來攞刀叉啊,一大豬扒就咁舊咬,巖我性格。
上飯啦,幾得意。果個飯,整成一個心型。都幾有心思喔。不過整得在好都系要食嘎。白飯就嘛嘛哋啦,冇功亦冇過。
豬扒味道可以,豬肉有少少鞋口,唔知系咩我食嘅方法唔對頭咧?
土豆,估計系炸嘅,外邊炸得過火添,食唔到土豆肉,失敗咯。
五葉神燉瘦肉,冇乜料到,同真功夫嘅咁上下啫,還OK啦。
買單27蚊,下個星期要去過邊,經過再試其他野。 |