潮泰 牛肉火煱

昨晚在羅湖 "潮泰"食牛肉火煱

一坐低  就有一個小鳳仙裝埋嚟問我：飲咩茶  我話：要鐵觀音  小鳳仙裝問我：要15蚊定20蚊嘅鐵觀音  我話：咁貴嘅  小鳳仙裝話：咁10蚊都有   挑！咁妳唔早講  依家5蚊都唔幫襯妳

叫左一個55蚊牛肉火煱 有牛肉一碟  豆腐一碟  蔬菜一藍

煱底牛丸幾爽口  豆腐就麻麻地咧

蔬菜一藍內有大白菜(黃芽白)
菜心  生菜  都幾多菜

牛肉一碟  未食過咁把鬼嘅牛肉  又UN 又無牛肉味  第一次碟牛肉食唔晒

另外叫一碟牛排骨25蚊 幾有牛肉味唔錯

紅薯粉 8蚊  同果碟把鬼嘅牛肉  簡直絶配  淥幾耐都係咁UN
橡皮圈一樣  好彩我個胃頂得住  有胃病千祈唔好食

厘支雪花啤酒10蚊  味道唔錯  但得500ml 好似細支左D
10蚊支啤酒 幾貴喎

埋單104蚊 點解多左六蚊出嚟嘅  原來出面放左十多款醬料 自行選用  用唔用每位都要三蚊  我食火煱從不用醬料  但一樣要收錢  簡直混醬  三蚊唔係錢嘅問題  係應唔應該嘅問題  

食品已經唔算突出  仲一次又一次呃我錢  
“潮泰” 你只可做我一次生意乍

可以一讚嘅係  服裝員態度好好

昨晚在羅湖 "潮泰"食牛肉火煱一坐低  就有一個小鳳仙裝埋嚟問我：飲咩茶  我話：要鐵觀音  小鳳仙裝問我： ...
kkbbq 发表于 2011-3-20 11:33

                               
登录/注册后可看大图

小鳳仙裝好喎
無小鳳仙裝d相既?


有冇淨牛丸煱架?:em5:

咁多雜費嫁....
1個唔少心比多好多喎

哇。。。系边噶间野。。。
我打死都唔去啊。。。
我仲以为个牛肉好正。。

回复 1# kkbbq

牛肉一碟  未食過咁把鬼嘅牛肉  又UN 又無牛肉味  第一次碟牛肉食唔晒

潮泰喺深圳系20年老店，招牌牛肉咁差嘅。唔知系個別問題，還是整體走下坡路。

回复 2# 20813261

小鳳仙裝好喎
無小鳳仙裝d相既?

大象兄自己收埋，唔比我哋睇。

昨晚在羅湖 "潮泰"食牛肉火煱一坐低  就有一個小鳳仙裝埋嚟問我：飲咩茶  我話：要鐵觀音  小鳳仙裝問我： ...
kkbbq 发表于 20/3/2011 11:33

                               
登录/注册后可看大图

又咁岩嘅。 。 。 18號晚先同3個fd去食完。 。

我食嘅手切牛肉又幾好啵，再加單叫碟牛肉和牛丸。 。
我都反感收咁貴茶費，不過你可以同佢講，我要免費茶水（綠茶）。

其實e間d嘢都一時時。 。我去過5次，有兩次唔掂！

咁多雜費嫁....
1個唔少心比多好多喎
hei0135 发表于 2011-3-20 20:46

                               
登录/注册后可看大图

所以在國內食飯一定要查單  我以前唔會咁做  依家唔做唔得

哇。。。系边噶间野。。。
我打死都唔去啊。。。
我仲以为个牛肉好正。。 ...
花轮 发表于 2011-3-21 00:36

                               
登录/注册后可看大图

我唔敢話佢最差  但我試過咁多間牛肉火煱  潮泰最唔掂囉

回复  kkbbq
潮泰喺深圳系20年老店，招牌牛肉咁差嘅。唔知系個別問題，還是整體走下坡路。 ...
jibin 发表于 2011-3-21 09:41

                               
登录/注册后可看大图

如果我果晚  果D叫招牌牛肉就大能鑊囉  本來我當晚 想叫多碟肥牛試吓  但始終唔敢

又咁岩嘅。 。 。 18號晚先同3個fd去食完。 。

我食嘅手切牛肉又幾好啵，再加單叫碟牛肉和牛丸。 。
我 ...
ken_choy 发表于 2011-3-21 16:50

                               
登录/注册后可看大图

我上星期在土哥  食碟手切肥牛  水準都下降左  食品失凖食肆常有
但我覺得潮泰   地方頗為不潔  仲好熱添   而且  在D唔覺唔覺嘅細節  十分掠水  討厭   
我唔要鐵觀音  小鳳仙裝黑面走開  開水都無壺攞埋嚟  一開始已令我無好感  可能咁樣我對"潮泰"挑剔D掛

睇個賣相幾掂但啤酒咁細支都要十蚊就真係幾貴
如果人多淨啤酒都飲窮