緊隨大部隊的腳步，一試順風雅廚

琴日系佛山讀書嘅表妹因為仲未開學，就過深圳玩，同佢去東門行街 佢話要我請食嘢 諗到最近論壇D帖好。多系順風雅廚嘅，見到各位師兄師姐評價都唔錯，我都想試下。11點幾，去飲茶都好喔。
從東門行去順風雅廚好近，過左東門天橋就系湖貝路 行到羅湖商務中心穿過去，對面就系廣深賓館，而順風雅廚就系廣深宾馆二樓，雖然間賓館前面施工圍起來，但系都可以望到，好容易穩。

可能系返工時間，都冇乜人，服務員比食客仲多。

先上兩張環境嘅照片， 環境還可以。



睇下我哋食左D乜嘢
三絲炒米粉：9.8蚊，點呢個是諗住填肚下午行街嘅，不過分量真系好大份。只有三樣嘢一齊炒，三絲應該系：蔥、米粉、火腿。有一小碟辣椒醬，呢個米粉，除左分量大，真系無乜特色，唔難食，一般般，可以話呢個分量九蚊八，值啦。



醬皇蒸鳳爪：9.8蚊，見到一個報告寫過，評價不錯，就試下。不錯！表妹同我都中意。


陳味牛肉球：7.8蚊，三粒非常之大粒嘅丸，有幾種材料一齊做成，裏面好多汁，底部仲有好似腐皮嘅嘢墊住，表妹好中意，我就麻麻地，味道過得去，但系不夠彈牙。不過配嘅果小碟醬料唔錯，有陳皮做成嘅，酸酸甜甜，好開胃。我後來仲將D醬汁用來撈米粉添
蟹仔蒸燒賣：13.8蚊因為表妹中意食燒賣，所以點左，我食就味道一般般，表妹就死贊好食。

臘味糯米飯：11.8蚊，見到大家都試呢個，我都點啦，黏黏D，臘腸切得好碎，細細粒粒，同花生一齊食就幾香口。

鳳爪排骨飯：11.8蚊，可以當快餐食，有排骨同鳳爪，不過呢個鳳爪就無上面果個醬皇鳳爪咁好味啦，因為系比較遲上嘅，當時都好飽左，就無吃幾多，我都系食左一啖飯，有D硬。
黑椒牛仔骨：16.8蚊，都是見到各位的報告慕名而點嘅，味道唔錯，肉塊夠大，夠入味。推薦。



一共98蚊，6.8折，66.6蚊買單。值得!

兩個人食好多嘢喔，你同表妹都幾拆得。 。
人均33.3都幾好意頭。 。嘿嘿。 。 。

琴日系佛山讀書嘅表妹因為仲未開學，就過深圳玩，同佢去東門行街 佢話要我請食嘢 諗到最近論壇D帖好。多系 ...
xiya 发表于 2011-3-1 17:08

                               
登录/注册后可看大图

    7碟有3碟係癜粉質,你地真係好野,又係食果d點心?:dizzy:

喜欢肉丸，:y-22:下次要试试牛肉丸。

其實真係幾低下....

睇黎可以試下喎. 唔知晚飯得唔得呢>?

想問點解有6.8折?  午餐先有?

兩個人食好多嘢喔，你同表妹都幾拆得。 。
人均33.3都幾好意頭。 。嘿嘿。 。 。 ...
ken_choy 发表于 2011-3-1 18:34

                               
登录/注册后可看大图

對吖，有打折都幾實惠:y-18:

7碟有3碟係癜粉質,你地真係好野,又係食果d點心?
20813261 发表于 2011-3-1 19:06

                               
登录/注册后可看大图

    :y-18:都系表妹點嘅，剩左好多。

想問點解有6.8折?  午餐先有?
tiger123 发表于 2011-3-3 12:49

                               
登录/注册后可看大图

    唔系好清楚，好似系飲茶食點心就有打折，晚午餐唔清楚