上個星期六早上去南山幫完野,中午時分,蕩到南山海岸城揾食,海岸城來過好多次啦,好鬼熟悉e度,但是今日唔知食乜好,一支公,求其食個快餐算啦,諗起我從來都冇試過仙蹤林,咁就不如入去,了却我個多年心願。環境好舒適,坐落服務員即刻就遞上菜單。因為已經系下晝兩點鐘,所以冇什麽客人啦。影咗幾張相,圍觀下:
紙巾牙籤和碟子,都幾精緻咁話喔。
飯來啦,諗唔到賣相一般般啫喔。同距嘅環境完全唔吻合。
不過整體外表都幾得意嘅,一個木架仔,中間放一個鐵鍋(貌似),咁樣可以防止燙親手又美觀。
配料一:雞肉,手震,影得唔好,雞肉好嫩,味道都OK,就是量好少,初初以為有好多,但系食咗先知道有D系土豆來嘅,系入邊昏暗嘅燈光下,確實比較難分嘅,e個系唔系就叫做魚目混珠咧啊?
配料二:唔知乜乜瓜?有問過服務員,講乜已經唔記得咗咯,不過估計應該系香瓜。焗得有D爛,味道清香。
配料三:雞蛋,e隻蛋,唔系煎,唔系蒸,而系喺飯上邊焗嘅,而且焗得火候巖巖好,蛋白完全熟透,蛋黃就焗到膠糊狀,正啊,要咩功夫先可以焗到咁啊,而且焗得好均衡,值得一學。味道啊,比荷包蛋多咗幾分清香。
小小插曲,食到下邊,發覺下邊D飯燒焦咗,雖然唔系大面積燒傷,但系始終都系一個敗筆。
35蚊食個飯,似乎有少少貴,不過好在環境舒適,仙蹤林環境真系冇得說,仲有免費WIFI,得閑來e度啖個下午茶,都系唔錯嘅選擇。 |