那是一個週六的夜晚,寒風習習,冷雨撲面。趁住週末過來玩朋友玩,下晝砌完長城,一睇表原來已經晚上7點啦,唔怪的,個肚咕咕直叫。玩還玩,個肚都要照顧好先,驅車直達嘉信茂,沃爾瑪中國總部就位於嘉信茂e度啦,旁邊有一間山姆會員店,好大一間,要辦張會員卡先可以買得到野。
喺僑香路e片地方,最近同埋多野食嘅就只要嘉信茂e度啦,但系多野食又遇到一個難題喔,就系唔知食乜好,好難下抉擇。由地下室蕩到3樓,食肆幾乎間間爆滿,週末系咁啦。馬拉爸爸有位坐,但系上次食過,今次唔多想去。搭扶梯來到3樓,拾味館突然間就出現喺眼前,朋友即刻提議擇店不如撞店,就e間啦。門口有人等梗,過去問下服務員,要等喔,不過陸續有人食完出來,諗住應該唔會等幾奈,等下都冇所謂啦,委屈下我個可憐的肚,好快就有得食啦,乖,冇喊!果然,唔洗3分鐘,通知我入去啦。
入到來好溫暖啊,同出邊比,有成10度咁多一D都不是誇張滴。即刻除咗件外套,落座。影幾張環境先,裝修都幾有特色咁話喔。假樹裝飾,燈光點綴,整體嘅木頭黃色陪襯有綠色,別有一番江南味道啊,就差在假山流水嘅喳。
菊花茶,茶位費位位六蚊覺得有少少貴添喔。果條吸管,系俾我哋用來吸豬骨入邊D骨髓嘅,不過巖巖喺滾湯撈出來嘅豬骨就冇急住吸啦,小心燙親條舌,以後影響kiss效果。
點餸,來拾味館,梗系要飲距嘅骨湯啦,朋友話,除咗骨湯,一切都系浮雲。本來點咗個椰香骨湯,距十分鐘之後走過來話買曬,冇計,換一個。拾味龍骨湯,小份,69蚊,同距話要個中份嘅,先夠食啊嘛,但系距話四個人小嘅就好啦,硬系唔比中嘅,奇怪。個煲,幾靚下喔,門口寫住系砂鍋,但系E個睇落好似陶瓷嘅多D喔。正所謂三六滾一滾,神仙都企唔穩。
終於守得湯滾聞香味啦。好湯,四舊大豬骨,仲有紅棗枸杞等其他配料,天氣凍飲湯真系在適合不過啦,湯汁味道非差之濃,應該喺廚房煲咗好奈啦,畢咗碗,香氣撲鼻,乳白色嘅湯,冇任何雜質。正,我一下飲咗三碗。
拾味蔥油雞,半隻,39蚊,皮薄,雞肉軟得來又唔會粉,味道OK,汁唔會太咸,炸過的蒜頭味好香,一上臺唔夠3分鐘,盆雞就掃清曬,其他野仲未上添。上菜速度要批評下。
人頭飯,食完雞肉先上,飯冇咩味,上邊果幾粒芝麻純粹系用來裝飾,唔系好熱,估計系煲熟好奈嘅,最後用蔥油雞D汁撈飯食,冇計,實在太餓啦。
雙皮奶,一份9蚊,以前去過順德食過D正宗雙皮奶,相比之下,e個就嘛嘛哋啦,奶香唔系幾濃郁,食起來水水咁嘅感覺,賣相還可以,9蚊覺得貴咗D。
南瓜餅,半打,19蚊,細細個南瓜餅,一口半個,上邊白色應該系椰絲,但是食唔出有椰香味,可能系剛食咗雙皮奶呱。外邊果層炸得好脆,好香口,南瓜餡好滑。
竹筒包肉,見個菜單畫得好鬼靚,大大個竹筒,應該好好食。等距一上到來,即刻失望,好細一個竹筒,仲好麻煩食添,先去咗兩頭竹葉,然之後用牙咬裂竹筒,再掰開,好彩支竹唔系好硬,牙齒唔好嘅人慎咬。就食裡邊一DD肉,好重八角味。唔推薦。
椰香蒸糯米飯,見賣相幾得意,又一道睇得唔食得嘅,完全冇椰香不得止,糯米飯都冇咩味,唔知落咗咩配料,冇味食唔出。不過肚餓果陣時食兩舊,絕對止餓。
唔知乜乜雞翼,點菜果陣時個服務員又話e樣冇又話果樣,照成點菜現場有D混亂,都唔知有冇叫嘅,不過既然來咗就唔客氣啦,味道OK,好似蜜汁燒雞翼or蜜汁炸雞翼,唔錯,服務員上得好。
最後食咗舊骨,因為唔系筒骨,冇骨髓嘅,所以到最後支吸管都冇距用武之地,安息啦吸管,下次見咯。D肉都煲爛咗啦,簡直系入口即化。見到好多人最後系打包D骨頭走嘅。
總體來講,拾味館都OK嘅,骨湯真系名不虛傳。今餐總值252人民幣,四個人。性價比巖巖好,不高不低,因為果D湯,我還會再來,下次:椰香骨湯。 |