名苑 268元 魚翅 鮑魚燕 這絶不是炫耀 這是一頓真是很值得和大家分享的晚餐 超値 好食 就是搵食之道
名苑 陳設很有中國懷舊特色
待應更招呼殷勤週到 非如一些老牌名店的惡形惡相 我十分推薦各位一試
宮廷皇燒趐
就像濃湯雞煲趐 個趐湯真係好濃 趐的份量也很足夠 仲抵食 好食過澳門D食趐名店
古法扣四頭南非鮑魚
兩舊幾水 緊係無四頭乾鮑你食喇 但係南非鮮鮑魚做出嚟嘅效果 有幾似乾鮑喎鵝掌亦有膠質口感 非一般平價急涷鵝掌可比
頭抽生煎澳洲大花竹蝦
個名作到咁大 可惜我食果隻蝦 有少少霉霉地唔夠新鮮 但係其他人三隻又爽甜喎我真黑仔
古法蒸深海龍躉球 新鮮的魚 一食落口就知 味鮮肉滑 如果再切厚一倍以上就好囉
日本金瓜泡田園蔬 又一個作到大大嚟嚇鬼嘅名 大排檔正名叫上湯煮南瓜拼生菜
鮑魚荷香珍珠雞
即係珍珠糯米雞 一般過一般 早茶點心
生磨蛋白杏仁茶 這個杏仁茶 我比一百分 杏仁香味不算濃厚 但你一定感受得到杏仁芳香 口中更有磨得幼細如粉的杏仁 讓你得知 這是真材實料的一流甜品 並非杏仁香精溝出來的流野
燕窩養顏流沙飽
這個流沙飽 我比九十九分 本來一百分 但我食唔到燕窩 扣一分 流沙飽食唔少 不少稱王稱霸的 我都覺得…….. 就這流沙飽 飽皮軟如綿 流沙飽內裡的流沙饀 大都過甜和太多油份 但名苑將這兩個缺點都消除 令我吃到一個 開心 放心的流沙飽
以上雖然不算是名貴材料 但亦算用料認真 制作用心 連茶介加一310蚊一位
唔知你有無衝動去試吓呢
"名苑" 店不算大 亦不是太華麗 但你有一種高雅的感覺 |