睇完公告之後, 小弟有些少矛盾o既感覺
第一, 發生二五事件, 相信人人都唔想, 但話分兩頭, 互聯網實在太過方便, 基本上無得杜絕, 所以小弟明白包大人o既不滿, 同時間亦理解各版主o既無奈
第二, 雖然小弟o係vshare只係得幾個月時間, 但小弟真係好鍾意呢個討論區, 絕大部份c hing都係好有深度 (包括資本, 文化水平, 個人修養等等), 呢個亦係小弟願意經常出報告 (雖然只係劣作) 或者同其他c hing交流o既原因, 以小弟去過o既討論區, 真係無一個可以畀到小弟有呢種咁好o既感覺, 呢次事件小弟暫時唔知 (亦唔敢估計) 會有咩影響, 但小弟真係好希望萬事以和為貴, 大家難得有緣o係vshare相聚, 亦難得o係一個咁好o既平台, 無論誰是誰非 (又或者有咩唔同意見), 最重要都係和而不同
最後, 請原諒小弟呢個死肥中坑咁鬼長氣寫咁多o野!!! 小弟希望vshare繼續興旺, 版主們版務順利 (辛苦晒!!!), c hing們骨運亨通!!! |