本帖最后由 賓州電鋸插人狂 于 2017-10-1 01:00 编辑
因為呢輪工作上不便, 又俾老虎咬住, 所以多數在香港揼多, 在這裏出報告, 唔知得唔得, 如果唔方便請版主幫手删帖, 唔該哂 :em21:
今日在旺角做完野, 行到隻腳有D痛, 見呢度有間足沐, 咪上去按下, 入到去好新淨, 原來新裝修, 老闆娘話開左2~3個月, 我話做沐足, 佢話呢度有穴位按摩 + 香薰推油, 只係$228雙鐘, 我見咁平又有D腰骨痛咪試下...
有三間房, 入到房D房幾企理同乾淨, 亞琳親自上陣幫我按 亞琳睇上來好後生, 可能係童顏, 皮膚又白, 笑起上來有兩個酒凹 佢身形比較嬌小, 我諗住死火, 咁嬌小玲瓏, 一定唔夠力, 摩下摩下, 點知一落手 咦...唔係喎...咁大力既, 偷望下又係果個人喎 ! 按到腰時就同我講, 你條腰D筋好脹, 我先在穴位同你按鬆, 一陣用油同你推, 又介绍呢個係乜野穴, 果個係乜野穴, 按呢個係有乜野用的 :) 我問你點知架 ? 原來亞琳在廣西讀過中醫, 佢父親係國內有名的醫生, 咦...又係喎...俾佢按下去酸麻痛一齊來, 呀...我一面按, 一面呻吟 (sorry ! 係痛的呼唤) 亞琳話你有冇咁誇張呀 我話係你整到我叫出黎囉 ! 佢就笑笑口一野打落我個八月十五, 真係睇唔出佢人仔细细, 咁鬼好力, 90分鐘好快就到, 亞琳好開朗, 話題又多全無泠場 !
出到大廳見收銀有位長髮姑娘, 好高挑下, 相對於亞琳更後生, 原來叫亞燕, 瓜子口面, 身材好fit, 下次黎又試下佢, 亞琳話按摩只係舒緩性治療, 可能2~3天有效, 約定叫我3日後覆診...哦 ! 知道了, 醫師...哈...哈...條腰果然鬆左好多 :em17: |