好多時 帶朋友去我食開幾好食嘅食店食飯 都會失手 就好似這次咁 我帶同事 一男三女 共五人 去小桃園食飯 就瀨晒野 片皮鴨 保持水準 同事讚好 片皮鴨第二食 涼瓜炒鴨片 原來其餘四人都唔食涼瓜 係我大意 唔問清楚 以為自己鐘意食 就人地都鐘意 失策 失策 鹵水拼盤 鐘意食野嘅你 睇就知有幾好食 乾爭爭 硬掘掘 羊腩煲 跟生菜 大家睇吓個羊腩煲 好似羊腩湯咁樣 羊腩又骨多過肉
55/100分 南瓜芋頭煲 南瓜OK
芋頭就死得喇 爽嘅芋頭有幾好食 唔駛我講啦 肥牛窩米線一窩 我地張枱放滿菜 服務員話分好先比我地 所以 我地都未見過窩肥牛米線 一人只係食左這一小碗仔 再想添食已話無晒
埋單盛惠三百五十大元 同事們直說:乜你帶我地食d咁差嘅嘢架!在同事眼中 我算是略懂飲食之道 但今趟真是失禮死人 |