本帖最后由 ruocen 于 2010-12-20 18:06 编辑
星期五晚 到向西村 西城金一 扒房茶餐廳試食
壺裝涷奶茶 $28 店方送上涷奶茶一壺 用壺裝涷奶茶又幾有創意 這壺涷奶茶我夠膽講 好飲過好多香港茶餐廳 茶夠滑茶味濃淡適中 如果涷奶茶用冰鎮方式 就真是超級無敵涷奶茶皇 賣相:4.5 味道:5 抵食:5 上湯鮮蝦雲吞麵 $18 廣東雲吞麵 在國內好少食 因為國內生麵制做 從不及香港和澳門的水準高 但西田金一扒房茶餐廳就唔知 因為大家掛住影相 麵都浸到冧晒 如果話佢唔好食 對個麵好唔公平 但雲吞都OK嘅 不過18蚊一碗 貴野嚟喎 賣相:4 味道:4 抵食:3.5 欖菜肉鬆豆角 $20 味道和火候都唔錯 但這個用來食粥、食飯是好配搭 但今晚好似….有D格格不入咁喎 賣相:3.5 味道:4 抵食:4 耶路撒冷炒飯 $18 這飯賣相唔錯丫 味道就似印尼炒飯 點解會叫"耶路撒冷炒飯"呢?經茶餐廳主厨介紹 原來中東地區人仕豬和牛都唔食 所以這飯用羊肉做配搭 故有此名 賣相:4.5 味道:4 抵食:4.5 聯合大雜扒 $50 包括有~牛油多士 羅宋湯 雞、牛、豬扒 配意粉或飯 牛油多士 一件出乎意料之外的鬆軟麵飽 羅宋湯 做得真是不錯 我飲的時到已涷晒 但仲幾好飲 如果熱的時候一定更好 唉!!個雜扒就真大鑊喇 有會員食完塊雞扒 都唔知係什麼肉類 豬扒齋睇個樣白雪雪就知瀨野喇 塊牛扒先經典 完全無肉質的纖維和紋理 淤色的牛肉真大鑊 賣相:4 味道:2.5 抵食:3 蒙古牛肉 $28 一個連外省人也說頗辣的菜 我又覺得幾好食喎 辣得嚟都幾香丫 如果牛肉再新鮮一點會更加好 賣相:4.5 味道:4.5 抵食:4.5 燒味拼盤 $48 外形賣相幾好 咸雞睇落麻麻地 食就真係幾好食 叉燒在各位口中就有彈有讚 我是讚果個 有咬口 但有咬口得來無渣 以國內燒味水準已算唔錯 燒鵝就唔掂喇 香港鵝嘅質素 我番國內食雞、鵝、鴨、鴿 就係想要新鮮的質素 賣相:4.5 味道:4 抵食:4 薑葱荷葉排骨飯 $20 我們未食 已對這飯評頭品足 "B厘巴喇"地討論它 「一定唔會係20蚊」 「有無攞錯嚟呀」 「20蚊果款無荷葉架嘛」 「如果20蚊 我攞個番香港比老婆宵夜」……就這樣 幾個人研究左十分鐘 這個"薑葱荷葉排骨飯"又真係20蚊 色香味集於一身 20蚊咁嘅水準 你仲想點 比滿分喇 賣相:5 味道:5 抵食:5 涷檸檬茶 $28 又係一壺上 但這壺涷檸檬茶 檸檬味和茶味及甜味也略為偏淡 我就合適啊 但大眾口味似乎不太合適 (sorry 這個唔記得影相) 賣相:4.5 味道:4 抵食:4 西田金一扒房茶餐廳點去呢? 在國貿B出口出站 向彭年酒會方向直行 在路口 見東方夏威夷桑拿 向夏威夷桑拿方向行去 直行在莊家莊路口轉入 行兩分鐘 便見西田金一扒房茶餐廳 |