秀色可餐八珍館

12月12號，小弟又無聲無息出現喺sofood嘅試吃活動團隊中，今次的目的地是位於南山區南新路嘅八珍館。八珍館，一個多么熟悉嘅名字，之前已經來過兩次啦，不過兩次都系來食距嘅10蚊雞自助晚餐，10蚊雞可以食到乜？有飯、有餸、有湯仲有點心，總之一句話，抵到死啊。琴日先聽距老細話原來距都做埋早餐嘅，5蚊一位任食，怎一個“抵”字了得，可惜早上基本上系冇時間過來食嘎啦。好啦，講完早餐晚餐，講返今次嘅午餐啦：

返沙芋頭，餐前小食，喺其他餐廳一般系D花生涼菜等開胃小食，D芋頭切得四四方方，外邊裹上以層霜糖，仲有點點綠色點綴，甚是可愛。芋頭好松口，甜而不膩，喺潮汕經常可以食到e個。

橙香瓜條，12蚊，一見到距個樣就知道一定好好食，黃色、紅色、綠色，層次分明，一上臺，一陣金光閃閃，閃到相機都對唔到焦。其實就系冬瓜浸橙汁，浸得好入味，冬瓜好爽口，酸酸甜甜，好開胃，其實e個作為餐前小食都得嘅。

台灣三杯雞，26蚊，一隻鳳凰，展翅欲飛，夢想達到彼岸，無奈面前嘅路鋪滿荊棘，但又何所畏懼啊。味道非常特別，因為入邊嘅料好多，有素肉、黑木耳、粟米等等，素肉好入味，木耳爽口，粟米惹味，真系搭配得嚴嚴好，見到個樣，如果系愛心氾濫嘅人，估計都唔忍心鬱手啦。


火魚兒，38蚊，一葉孤舟，奮不顧身，沖入火海。華麗嘅外表，隱含住幾分悲壯嘅色彩。魚肉做得非常之逼真，無論系賣相，口感或者系味道都極為相似，如果加上埋魚刺，咁就同真嘅果d冇乜差別啦。

如意竹苼，30蚊，好有層次感，綠、黑、白、紅，一層一層咁樣上去，特別系嗰D枸杞，一眼望落去，好似雪山上某位神仙跌落嘅幾粒菩提子。e道菜整體上系比較清淡嘅，巖我口味，竹苼好脆，就系切得細舊咗D，有少少影響口感。

紅菇豆腐湯，初初以為系紅酒添，原來唔系，嗰D紅色其實系紅菇煲出來嘅，廳老細講紅菇系喺福建買過來嘅，一斤900蚊，我哋e一碗放咗倆個咁多就已經紅彤彤啦。成煲湯冇其他雜質，湯水晶瑩剔透，豆腐嫩滑，飲落有D苦澀，不過營養價值應該幾高嘅。

橄欖油香菇，26蚊，對比其他野e個賣相就冇乜特色之處啦。冬菇如果用來做調味之用實在系上上之選，但系咁樣食，個人覺得唔系好合適咯，嗰陣味道太過濃烈，雖然冬菇好滑好嫩，我食咗一舊就冇興趣再食多舊啦。

一品煲，32蚊，辣椒芋頭五花肉，帶子香菇火腿腸。好一鍋大雜燴，煲入邊嘅食材樣樣都好惹味，一煲就可以嘗盡各色美味。抵食4分。

杭式鮑菇花，28蚊，賣相都好特別。一朵花就詮釋咗e一道菜，鮮豔，惹味，菇好入味，又爽口。

水餃，16蚊，味道平平凡凡，勝在量多，醫肚嘅上上之選。

福建買返來嘅紅菇，e一罐仲未到一斤。

全買叉燒包，老細最後送俾我哋試下嘅，都好好食，入邊D餡料都有少少叉燒味。正。
跟住落來系餐廳大廚親自表演菜刀雕花技能，千其冇眨眼啊，如果唔系就好、好似我咁，影到咁模糊





素食系食物嘅做工方面真系俾足心機，獨具匠心嘅，每一道菜都可以出餐廳系幾咁用心落去做。我唔系一個素食主義者，所以感覺喺味道方面冇咩特別嘅地方可以吸引到我，但系我都會經常去嘅，一系因為素食的確對于我哋嘅健康有好大嘅益處，二系餐廳老板嘅真誠感染到我，距明知虧本都堅持落去，就系為咗一個理念，俾跟多嘅人認識同埋接受素食，愛護身邊嘅事物，愛護環境。順便提一提，餐廳每個月嘅21號都會作為廚房開放日，到時大廚會現場親自指導有興趣嘅人學整精緻嘅素菜。

12月12號，小弟又無聲無息出現喺sofood嘅試吃活動團隊中，今次的目的地是位於南山區南新路嘅八珍館。八珍館 ...
jibin 发表于 2010-12-13 13:49

                               
登录/注册后可看大图

我都好好奇個老板點維皮, 食物單叫質數比自肋好很多, 見到都想食, 真係好想支持下個老板, 可惜南山對我黎講實在太遠, 真係要等一個好好機會去試

反沙芋+橄欖油香菇 ， 應該唔錯！！

12月12號，小弟又無聲無息出現喺sofood嘅試吃活動團隊中，今次的目的地是位於南山區南新路嘅八珍館。八珍館 ...
jibin 发表于 2010-12-13 13:49

                               
登录/注册后可看大图

反沙芋頭我超至愛呀  又走一次寶添
賣相最吸引我嘅係"如意竹苼"好清雅
火魚兒和如意竹苼剛好相反  一個火熱動感  一個斯斯文文 真係一餐好特別的試食會:em17:

12月12號，小弟又無聲無息出現喺sofood嘅試吃活動團隊中，今次的目的地是位於南山區南新路嘅八珍館。八珍館 ...
jibin 发表于 2010-12-13 13:49

                               
登录/注册后可看大图

邊哥,可吾可以放大d字呀,老人家睇吾到呀!哈哈
d紅姑幾錢一斤呀?:em5:

呢d野真係比較少食,好新奇呀:y-34:

素食比葷菜要講究些，不是青菜豆腐那麼單一
還有很多食材  我們平時比較少見很少吃到
但素食者爲了 ...
ruocen 发表于 2010-12-14 10:15

                               
登录/注册后可看大图

同意！不過就係驚太花巧而令到健康食品變得唔健康！:y-85:

我都好好奇個老板點維皮, 食物單叫質數比自肋好很多, 見到都想食, 真係好想支持下個老板, 可惜南山對我黎 ...
bonsonhui 发表于 2010-12-13 17:19

                               
登录/注册后可看大图

師兄 南山其實唔難去  有B2 B3巴士到"深圳灣口岸"關口過關  沿途風景好靚  由元朗搭B2 30分鐘就到

師兄 南山其實唔難去  有B2 B3巴士到"深圳灣口岸"關口過關  沿途風景好靚  由元朗搭B2 30分鐘就 ...
kkbbq 发表于 2010-12-14 18:18

                               
登录/注册后可看大图

月巴星位處於港島最東面, 來回南山6個小時, 幾好食都係假

月巴星位處於港島最東面, 來回南山6個小時, 幾好食都係假
bonsonhui 发表于 2010-12-14 19:50

                               
登录/注册后可看大图

"噢賣葛"咁就遠左D 囉:em22: 我住天水圍二十分鐘車程  快過去荃灣:em11: