本帖最后由 kkbbq 于 2010-12-2 22:21 编辑
今日 無人得閒陪我食lunch 一個人行行吓 見一間小店 大大個字"鮮味魚湯底" 魚湯 我的至愛 又諗起靚女超版去食"鯉魚湯底" 令我流晒口水 但見間鋪細細間 仲無客添 個心十五十六 但有個"花枝片豬骨湯泡飯"幾吸引喎 終於都入左去
叫左個"花枝片泡飯"23元 改"鮮味魚湯"底加三蚊 叫多杯熱奶茶加兩蚊 花枝片鮮魚湯底泡飯 厘碗唔係河粉 面果D係花枝片 真係足晒料 更有小量木耳絲和銀牙配襯 飯就當然有 但係D飯硬左小小 湯飯"飯"太硬 比較傷胃
個"鮮味魚湯"就要超讚 大家出外飲魚湯 多數奶白色 好靚 就因為多數加左淡奶 所以D湯又白又滑 但這裏的魚湯 是米黃色 魚湯不加其他 魚湯本身就是米黃色 代表足料夠火候 我自己煲的魚湯就是這樣 飲完口唇好像有點黏性 這便是真材實料的標記 因為魚皮膠質豐富 所以飲完 口唇會好像有膠黐住咁樣 這一個鮮甜魚湯 一滴都無得淨 加兩蚊 飲這杯奶茶你一定賺多兩蚊 以今時今日物價 一杯奶茶成本最少四蚊以上 我都賣左奶茶咖啡十幾廿年 唔係段估架
我其實 都係求其叫杯茶試吓 諗住厘間鋪仔 手茶都係得啖笑 又真係估佢唔到幾好喎75/100分:em17: D相用我部殘廢手機影係差D架喇
"新添"在金輝徑 元朗食街 元朗人一定識 |