本帖最后由 kkbbq 于 2010-10-20 19:57 编辑
在國內揾食 有時真係要好小心 最近小象在某一個星期日 與某一位本區論壇元老 及另一網的好朋友 在福田口岸出過關後 行去對面 最左手邊的一間茶餐廳飲下午茶
我因為唔肚餓 只叫一杯凍檸茶 另兩人 每人點了一個25蚊的炒粉麵下午茶餐
飽餐後 本區論壇元老出去埋單 收銀員竟然話:盛惠85大元 有無搞錯 咪成舊水港幣
原來個仆街收銀 見本區論壇元老個樣"蠢蠢地" 博大霧 炒粉麵當作散叫 26蚊一個X 2 = 52 凍飲三杯 33 共 85 大元 本區論壇元老說:「我地係下午茶餐 唔係散叫喎」佢仲串本區論壇元老:「你又唔講清楚 唔講就當你食散叫架喇」 可惜 我當時唔在場 唔係我實開佢波 有單睇架嘛 點會埋單時 要講明係下午茶餐 我覺得條收銀想出蠱惑 收多左就可以袋落袋 所以各位去厘間茶餐廳要小心D喇 PS:本區論壇元老事主 因當時我都係聽你講 有乜錯漏請指正 |