小心，此旅游公司销售手法好有问题！「必睇」

首先多谢您click入黎睇我哩个主题，以下内容颇长，内容讲一间旅游公司好有问题既销售手法，请抽时间睇睇，thank you!

位于尖东新世界中心的「川达国际网络有限公司」 (Interval Network International Limited)，有无网友被邀请上过去？

**  小心，此旅游公司销售手法好有问题！  **

大约一星期前，有一间市场调查公司打我手机，问我一d问题，之后又系问左果d年龄组别既野 …… 「哩个系个局既开始」，原来哩间川达公司系先搵一间市场调查公司随机抽手机号码，去「撞下」有无「合适既人选」……

几日前，我又接到一个电话，佢话多谢我之前做调查，对方又话我系被选中既「特选人士」之一。为左答谢我，特别送出四张双鱼星or狮子星号既船飞连三餐膳食俾我。我心谂︰有咁好死，人地仲洗做生意咩？之后，对方话条件系第二晚，要上黎佢位于尖东既office，做一份关于吃喝玩乐同消遣既问卷，时间要个半钟。我又谂︰系认真做野既公司洗鬼要个半钟做一份问卷呀？你估报案咩？其实我都知哩个系一个局黎ga la！但系我有气量，唔即时质问佢，拆穿佢。我净系问佢︰「咁我系咪做问卷既成个过程，唔洗俾任何费用？」人家就答︰「无错，因为我地公司想知道多d市民既消遣同娱乐习惯，你只要比较详尽咁样完成我地份问卷就得ga la，我地会送番邮轮船飞俾你，问卷调查大约个半钟。」对方相当强调「个半钟头」呢个「总时间」。在收线前，我问佢︰「如果我早过个半钟头完成问卷，我可唔可以早走？」佢地就话︰「我地个流程系set好左哩个timing，唔可以早走。」

第二晚，我上到佢地个office，一坐低，佢地就话而家份问卷准备紧个code，要等一阵。之后就有一位女同事同我倾计，佢先简单介绍下佢地间公司，之后佢讲下个流程︰会先做问卷，睇video，其后佢地会介绍佢公司一个同出面唔同既旅游玩法，佢话如果听过之后我觉得岩就参加，唔适合既知道下就得啦。佢事先系电话同我约时间果阵，都完全无讲到会有乜野新玩法既介绍。果刻，我心谂︰原来系以借做问卷为名，实则咪系「服务推广」！之后，佢就同我「斋吹水」，讲一d同旅行无关既野。倾左5分钟，我就打断佢讲话︰「e，今日你地唔系要做问卷咩？」果位女同事就话︰「个code仲未搅店好呀，仲要等多一阵。」再之后，佢就同我继续吹水，前后倾左20分钟同旅游无关既野。佢既目的只有一个︰先同我打好关系，等我之后相信佢地，俾钱都爽快d！佢地头20分钟同我斋吹水，哩间公司咁样既做野方法，有无效率，我唔多花笔墨，大家都知！

稍后另一位同事拎左份问卷过黎，我骤眼一睇问题既数目，唔系好多，就算问个弱能人士，最多咪一个钟！洗鬼个半钟 ……「牙」？认真「小题大做」！个女同事一边问问题，又一边就有关问题同我「心 / 深」谈，目的咪就系以最短时间同我打友好关系law！

好不容易先至完成晒份问卷，佢就同我介绍佢间公司一个唔同既旅游玩法，并多次强调佢地既价钱 / package有几价惠 …… 讲左一部分，佢地要播video，同一场地亦有其他几位被邀请的人士一齐同时间睇video。唔驶我详讲，果段video主要内容讲佢公司既服务有乜特色，有几好，佢地d客有几enjoy，有几钟意。

睇完片，个女职员又再继续介绍佢地d package。我睇錶，已经差唔多个半钟，我就话差唔多时间要走，叫个女同事讲快些少，攞埋张coupon就走。佢就话︰「张coupon要攞code，需要一d时间。」她的动机如何呀？咪就系想你留耐d，听多d佢既推广，想你帮衬佢law！我都知果晚我实蚀时间俾佢，一定唔可以准时个半钟就闪，就当睇清楚佢仲有d乜野「靶炮既愚人技俩」！

对方既口边不停话有几抵几抵，方法就系要成为会员，但系就无讲会员费系几多钱。我两次主动问佢，佢都唔讲住。大半个钟之后，我话︰「究竟会员费系几多呀？对唔住，我真系要走，张coupon ok未呀？」果位女同事就话︰「张coupon仲整紧个code呀，坐多阵再倾埋啦！」哗！一份邮轮coupon既code整成40分钟都未搞店，第时如果我入左会既话，我d机票同酒店package既飞咪要等到变「人干」先有得拎！

之后，另一位同事「终于」拎左份会员价目表黎，我一睇︰要「HONG KONG DOLLARS 24万8千元」，跟住一直同我倾计果位女同事就话︰「哩个价钱系有25年会籍，你每年再俾一个特惠价钱，就可以住世界好多间渡假酒店ga la。我都知哩个价钱都唔细，但系为左答谢你今日系被我地邀请上黎既人士，今日入会即有价惠价，14万4千for 6人房，或者系7万2千for双人房。优惠只限今晚，之后就一定无哩个优惠！」佢仲话︰「今日俾唔到咁多，唔紧要，先俾首期，其余既可以信用卡分期。好多人都系咁样！」看似「不甘平凡，多愁善感，潇洒感性」的我，其实亦有「理性」既一面，我当然不会上当啦！我问佢地︰「我需要考虑一下，如果我过两日再上黎，有无价惠价呀？」对方立即好坚持咁讲︰「无！一定无！因为你系今日被邀请既，哩个咁优惠既会员价净系我地今日做到俾你既，第二日都唔得！」

我去旅行社门市问人地旅行团或者自由行既资料，就算我坐系人地间旅行社半个钟头，无任何帮衬，之后话俾人知我要番去谂一谂先。人地间间旅行社都唔会强迫留你唔俾你走，绝对唔会因为嫌你坐左半粒钟而要俾面色你睇。何况而家成「7皮野」，我想多少少时间谂一谂，哩个要求都唔算过份。但系佢地唔俾时间我谂，倾左2个零钟头，就想叫我俾7皮野入会，真系好 …… 难！仲有，一个会籍成25年﹙四分之一个世纪﹚，哩一点非常之有问题！一个补习名师有几巴闭，教育署都立例唔准补习社一次收取多过一个月既学费。就算俾你系一间好大好有名气既美容社，佢地既优惠套票，极其量都系叫客人先俾钱购买1年既美容券。有乜理由会叫人先俾or用信用卡长年咁供成25年既会籍，不论大小公司，全世界任何一个地方，都无人咁保证一间公司系未来10年or 20年之后会唔会执笠or被人收购。佢地既做法前所未闻，简直荒谬！

我多番拒绝，对方不停死缠。讲无可再讲之下，佢地话︰「好啦，有个方法俾你留住个会籍，唔洗而家俾7万几蚊先，就系你先参加一个价钱为7,000元既精选5日4夜既双人旅程。玩过之后，觉得好啦，再入会，会费会减番7,000元。到时唔想入会ge，咁都ok，无问题。」对方既条件都系要「即日」交低 or 需分期供7,000元，过左时就无任何优惠。

前前后后领教左咁多野，莫讲7,000元，就算700元都俾得唔舒服，玩得唔开心。之后，我就极力声称唔愿参加，打消佢地既推广兴致！原本预计个半至两个钟既过程，最后搞左成三个几钟先可以「甩身」！重获自由！我无俾过任何钱，拎住张邮轮coupon，离开佢地间office。

其后我上网睇番同我差唔多遭遇既网友，佢地话张coupon系真既，不过唔系坐双鱼星or狮子星号，只系可以坐金公主号，佢系普通赌船一只。哩间川达送既coupon，系包三餐，但每人另外要俾$150离境税同$50驳船费。而自己出去买金公主号既船飞，以我上网睇番，平均每人价钱都系一样，好似仲包埋离境税同驳船费添！即系川达国际网络有限公司根本无送过野俾你！

再经查证，原来「金公主号」并非「丽星邮轮」旗下服务既邮轮。「川达国际网络有限公司」既同事相当可耻，竟然随便借用人地公司邮轮既名义，送coupon俾人，再用唔光明正大既手法推销。佢地认真可耻，必有报应 !!!!
同类型以做问卷，做统计等之类为由，做好后有赠品送番俾你，实则系「搵客帮衬」既例子，应该唔少！唔单止旅游，唔同行业同产品都有。大家要提高警觉呀！

多謝提點........

thanks for sharing.

thanks for sharing.

:em24: