同去歐洲城同一日,係廸卡儂買完野,返左去世界之窗果邊,放低啲野係酒店,又走左去對面既益田假日廣場…
入到去,依…我幾時去左香港啲大型商場…名店林立,同係香港行街冇乜分別…好彩冇買野,如果唔係就重皮囉…:y-10:
行左一陣,睇下有乜食先~
唔…除左3樓果D之外基本上又係同香港一模一樣…
上三樓睇睇啦~
本來想食呢間,但係果時唔算好肚餓,食呢個唔抵…而且又鬼咁多人…
大漁,又係鬼咁多人,人一多D服務差好多,唔食…
呢間…好鬼貴,一個SET DINNER RMB270左右…
其他又冇乜興趣喎…
再望望水牌…有鼎泰豐喎~橫掂除左係台灣試過之外都未食過,就食呢間啦!
一去到…睇到個招牌叫”金牌小龍”, 係咪行錯地方!?
哦原來係咁…
中國果邊比台灣鼎泰豐停止合約授權, 於是係中國既舖頭全部改名做金牌小龍…同原裝鼎泰豐拼過~
入到去唔算多人,環境都唔錯~
坐低叫野食,睇睇個點菜單,唔…都係果啲野啦~
蒜泥白肉(賣相3.5分,味道4.3分,抵食3.5分)
– 切得幾薄,上面加上蒜泥同辣油, 蒜泥味幾香,不過我嫌唔夠辣。雖然真係幾好食,
不過唔好食咁多呀,因為肥肉幾多下,好肥膩~:y-83:
金牌小籠包 (賣相4.0分,味道4.8分,抵食4.5分)
– 去鼎泰豐…呀唔係, 金牌小龍先啱,點可以唔食小籠包!皮薄饀靚,個皮雖然薄但唔會穿,內裏湯汁豐富,肉亦都十分好味~
蝦仁燒賣 (賣相3.8分,味道4.8分,抵食4.0分)
– 比我既感覺就係小籠包上面加隻蝦,其他冇乜分別,雖然隻蝦都唔錯,但係都無謂叫兩樣差唔多既點心啦~
酸辣湯(賣相3.0分,味道2.0分,抵食2.0分)
– 我好鍾意飲酸辣湯,不過呢度就好差喇…雖然用料豐富,但係一啲酸辣既感覺都冇,點叫酸辣湯呀!
台灣紅燒牛肉麵(賣相3.5分,味道4.5分,抵食3.8分)
–已經預先幫我地切開啲麵,等我地唔便分得咁辛苦。有幾塊牛肉 , 幾大塊下不過肉質唔嚡唔韌仲幾稔~好食,而麵亦都好爽口,非常唔錯。
埋單RMB114, 係深圳黎講應該唔算好平,不過比起香港/台灣應該平唔少~
呢間金牌小龍其實食落同鼎泰豐冇乜分別(梗係啦基本上係名唔同左之嘛…),食物質素依然係唔錯,不個價錢貴少少。如果唔係好介意價錢真係食得過架~
味道........4.5/5 基本上係個酸辣湯衰啲…
環境........4/5 環境格局唔錯,幾靚下~
衛生........4/5 乾淨企理啦
價錢........3/5 比起一般餐廳貴一啲
服務........3/5 不過不失啦,其實都冇乜特別
食完係果度個超級市場買零食睇波,好多進口野,不過好貴呢…
進口可樂,盛惠RMB9.9
好大桶既啤酒…5L…
本來想諗住係酒吧睇,不過普通話旁述唔識聽…都係返酒店睇…
阿根廷贏一比零~:y-43:
不過之後英格蘭和左…:y-63:
就咁我呢一日既旅程就完結左