世界杯細界杯巡禮

世界杯今晚開鑼。

趁住仲有啲時間，先嚟同大家分析一下細界杯嘅形勢。

有資格入圍細界杯嘅深圳隊伍唔少。

A組

首先要同大家介紹嘅係A組嘅球隊，佢地分別係水刀、水方、水警同埋逼水。

要先介紹A組係因為呢組係死亡之組，競爭係異常激烈。

水刀

先講水刀，佢地自組班至今，一直吸引到唔少球迷嘅愛戴，擁躉眾多，有福田紅魔鬼稱號。

水刀可以話係打破傳統足球打法嘅表表者，將後防助攻嘅威力發揮得淋漓盡至。

大堂後防個個衝勁十足，鬆腿員下下插水，仲要經常助攻射球，起腳率係遠遠超越前鋒球員，成為球壇嘅新現象。而家好多球迷鐘意睇佢地後防表演多過中、前鋒嘅進攻。

水刀唔單止後防別樹一格，其實佢地嘅前鋒實力唔弱。

中鋒SPA球員身價唔低，肯進攻、肯起腳，只不過好多時要扭下屎忽花。要入場睇SPA表演，票價係唔低。

據聞佢地換咗唔少新血，因為有人跳槽，亦有唔少賺夠，高掛球靴，而新嚟球員質素略有下降。

左右兩翼有雪域，控球技術冇SPA咁高，起腳機會大，但未必入到波。

綜合嚟講，今次水刀可唔可以喺小組勝出係未知之數。

水方

水方亦係另一隊較多擁躉嘅球隊。

佢嘅實力跟水刀差唔多，後防助攻都有啲睇頭，但始終及唔上水刀嘅後防踢得咁放。

曾幾所時，佢地嘅中鋒SPA係被譽為福田第一，不過今日佢地已經冇滿場飛，又唔會公開練波，波迷想一睹風采，就只得買飛入場呢個途徑。

據聞佢地新加咗個右翼深港風情，不過國際足總常委包青天近期去視察過，發現球員質素參次，竟然有七十年代嘅丙組球員，令人對佢地奪標嘅能力有所質疑。

正所謂爛船都有三分釘，何況水方一直都係球壇班霸，瑕不掩瑜，只要佢地好好咁擺好隊形，要殺入決賽都並非難事。

水警

一間一直備受爭議嘅球隊。

隊形差、管理鬆散，領隊、教練直情要拎去打靶。（據聞教練已換咗人，暫時判緩刑啦）

奇怪嘅係球迷一邊鬧、一邊捧場。

自從水刀嘅後防助攻打出一片新局面，水警有樣學樣，郁咗唔少錫身唔肯助攻嘅後防球員，仲要加強培訓，吸納新血，今日佢地嘅後防力量只係輸水刀一個馬鼻。

至於中鋒SPA球員，質素平均弱，但勝在身價冇咁高，肯搏肯瞓身肯追波肯起腳。

冇明星球員，入場票價比水刀水方低，而且攻勢強勁，唔係要睇碧咸、C朗拿度呢類靚仔球星嘅，淨係想睇人起腳射球，好多球迷都係情願捧水警場。

左翼瘋情其實係由SPA兼任，起腳入球快而準；右翼激情質素唔錯，腳法漂亮。

水警進步快，換咗教練後，雄心壯志，似乎想執福田球壇牛耳。

想還想，有冇咁嘅能力係最重要，我地拭目以待。

逼水

一隊新成立嘅球隊。今次編咗入死亡之組，佢地比較吃虧。

由於成立日子短，球員嘅默契未夠。

好多球迷對佢地嘅了解唔深，支持度係較低。

逼水嘅打法比較斯文，佢地暫時冇重點培訓後防助攻，所以攻勢冇同組其他三隊咁有睇頭。

中鋒SPA亦係好斯文，唔搶攻，唔犯規，連禁區都唔入，所以好缺乏起腳機會。

咁斯文嘅球隊應該好難出線，不過佢地太新，好難摸清個底，究竟領隊同教練有咩秘密策略，真係冇乜人知。

咪睇少佢地班球員斯斯文文，隨時一個唔覺意，喺正式分組場，使出殺手鑭，嚟過全隊進攻，對手可能會俾佢地殺個措手不及。

所以話，逼水係黑馬中嘅黑馬。


A組已經介紹完畢，寫到我墨水都乾。

仲有其他幾組嘅形勢，我希望留番俾其他球迷嚟評述一下，將個波交俾你地。


*B組分析在11樓*

A組差唔多最強既都係度

A組差唔多最強既都係度
LHB 发表于 2010-6-11 13:08

                               
登录/注册后可看大图

不如由你嚟講下B組形勢吖...

不如由你嚟講下B組形勢吖...
chulo2009 发表于 2010-6-11 13:13

                               
登录/注册后可看大图

我只係A組其中一隊fans, 其他隊我只略知一二, 極少捧場

我原來都係紅魔青訓營出身，但已經轉左會去水方
呢度既新球員其實都幾有睇頭，只係無咩人去發掘同train佢地即
而且我覺得入波唔係最重要，場波既過程有無feel先係重點~~~
依家水刀既球員成日都係咁浪射，無咩球味，球員獎金又越來越貴，如果追求入波既「快感」我不如直接去射12碼仲爽快

我原來都係紅魔青訓營出身，但已經轉左會去水方
呢度既新球員其實都幾有睇頭，只係無咩人去發掘同train佢地 ...
HAMGER 发表于 2010-6-11 15:43

                               
登录/注册后可看大图

講得好，果然係有見地嘅球迷。不在乎結果，只在乎過程。
似乎我應該將水方睇番高一線，有時間都要多D到佢地主場跟球員練習下、搓下波。

朱佬神筆再現, 介紹四水一樣可以吹到漫天口水, 小弟佩服.

by the way, 我可唔可以問朱兄攞返個新keyboard錢? 我飲緊水睇你篇野爆笑噴到個keyboard濕哂唔知仲用唔用得... 下次我見到你開post都係唔好飲住野睇...:y-14:

其實我覺得水方場館位置十分好 , 行開行埋 , 過關容易 , 方便球迷入場

A組水警睇得出佢有心憑呢次世界杯改革，
近期表現睇得出所有球員都有訓示過，
佢表現比起逼水更黑馬，起碼佢球會主場岩岩改建左!

冇晒墨水，惟有咬破指頭，用血嚟寫。

B組

四隊B組隊伍都係嚟自羅湖區，佢地係：王濕、TPY、螞蟻、星日。

近年羅湖區嘅足球事業俾福田區搶晒風頭，但唔表示佢地嘅實力弱。今次細界杯，四強位置冇理由冇羅湖區嘅代表。

王濕

當三水未出現前，王濕曾經係球壇龍頭大哥，未入過佢地主場，真係枉稱係真正球迷。

目前名氣略減，但忠實擁躉仲係非常之多。

王濕係好有規模嘅球會，亦係明星球隊，擁有外籍球迷數目係全深圳最高。

王濕打法相對福田那邊傳統。

後防助攻係有，都未必下下扭波入禁區起腳，但佢地球員腳法唔錯，就算唔入球都可以令到球迷如痴如醉。

中鋒SPA打嘅係高竇波。

球員都係身價高，入場睇波要買包廂飛。

無論係斯文打法、定係高速拼搏打法，一向都吸引到一班有米球迷無條件嘅支持。

左右翼以香薰為主，可塑性高。

由於羅湖區唔太流行後防助攻，所以中鋒嘅力量特別重要。

由中、港、泰組成嘅中鋒團隊，進可攻、退可後。

王濕隊形齊全，整體實力高，係傳統球隊嘅代表。

可估計今次細界杯總決賽嘅最後兩強，好大機會係羅、福對決，王濕隨時係羅湖區嘅最後出征代表。

TPY

一家老牌甲級球隊。雖然光芒暗淡咗唔少，但絕對唔可以少覷佢地長年累月積落嚟嘅籌碼。

而家嘅TPY係已經改組過，對資深球迷嚟講，都係覺得新TPY不如老TPY。

老年球會有較多包袱，唔係話要改革就可以改革。

後防都係傳統打法，著名嘅中鋒TYP式，隨住球員流失，星味已經冇早幾年咁強。

點睇都好，TPY最叻都係八強止步。

螞蟻

一家好有特色嘅球會，但今時今日，開始出現老態。

喺踢法方面，較欠特色，腳法不過不失，缺乏明星球員。

不過佢地都有可取嘅地方，就係唔少球員肯越位起腳搏入球。

佢地嘅主場入場票價實惠，球員獎金要求唔高，安安份份咁睇場90分鐘嘅波，間中都會有驚喜。

講乜都假，分組賽出到線至算啦。

星日

先申報一下，我係星日球迷會會員，所以評論未必可以完全中肯。

佢地嘅後防一向係保守斯文型，但近幾個月打法有多少少改變，多咗好多肯瞓身攔截，但真係助攻嘅少，最多上到中場交波就退返後方。

呢度嘅中鋒反而唔係SPA，而係至尊，換句話講，進攻實力係弱咗D。

本人對佢地嘅至尊一向印象麻麻，太主觀，留番俾其他球迷提供意見和評論。

兩翼反而頗強，由香薰主導，冇咗佢地兩邊助攻，星日都唔會過到外圍賽果關。

至於中港泰中場兵力，低調得嚟又幾橫強，好多時入波都係靠佢地。

呢個球會係衰在人氣唔夠，加上近月人材流失，想學人逐鹿爭霸，仲差咗少少火候。

要打入四強，寄望下屆啦。


講晒B組四球隊，可能有球迷會問，點解冇咗半月灣？

半月灣冇錯都係一間好球會，但佢跟嘅足球賽例唔同。頭先果四間係打開90分鐘賽事，而半月灣係打120分鐘，所以冇可能編埋同一組。

各位球迷師兄可以試下幫助佢安排120分鐘嘅比賽組別，例如連同暈槍…等等。

哎喲，見頭暈，滴唔出血啦，唔該師兄接力。