beautylady同大家一齊遊“洣水河”

周末終於得閑又同一大班sofood的師兄師姐去試吃了。呢次目的地系華麗路新開的“洣水河湘攸大碗菜”，應該話系鳳凰路的雙喜酒樓過一Ｄ會比較多人知。講真句，開果個位置，雖然近路邊，但路邊冇任何餐廳標記，而且餐廳門口前系空地，如果唔系特登去或者有人介紹的話，好多人唔知有餐廳系度。因為華麗路人較少，車都唔系好多。總之位置唔明顯。

味道：****
環境：****
服務：****
衛生：****
抵食：****

好啦，宜家同大家介紹下噚晚的戰績啦。

金錢蛋，15蚊。睇樣好像分量唔多，其實好多，因為拍照技術唔啶，大家將就下啦。呢道菜系我覺得比較好味的一道鎹。大家是否想知道呢個鎹的做法呢？問過廚師：雞蛋煮熟，去殼，切片，過油，用辣椒粉炒，加裝飾品，裝盤。大家是否覺得做法好簡單呢？其實要做得好味，系要功夫的。蛋系外脆裏嫩，鹹淡適中，加咗辣椒粉炒，有少少辣，但好味，好香，而且好大碗，15蚊，超抵，值得推薦！


茶樹菇湯，廣東人食嘢，湯系必點。呢個湯系瓦缸喂湯，煲得夠火候，龍骨都煲淋咗，龍骨加茶樹菇，清甜，冇味精味，好味，38蚊，一大煲，都系一個字：贊！


紅燒豬腳，塊塊都系真材實料。豬腳煮得啱啱好，皮有質感，唔系好淋，成塊豬腳有小小咬勁，而且入味，雖然加咗辣椒，有少少辣，但一D都唔影響味道，反而會人食咗之後唔會在滑膩感。25蚊，大份量，抵到不得了，系其他餐廳隨便點個紅燒豬手都要三十幾蚊個。值得推薦！


剁椒魚頭，睇樣好多辣椒，綠的，紅的，其實唔辣。可能系店家為咗迎合我哋呢班唔食辣族而特登做成唔辣的。我唔肯定魚頭是否草魚魚頭，吃起來無腥味，因為系比較大的魚，所以冇乜細骨，魚肉較新鮮，好鮮甜，肉較滑，食時蘸D汁，會更加好味D。招牌果然系招牌，唔錯！


攸縣血鴨，睇樣唔系好靚，但味道不同凡響。好香，有小小鹹，好味。但鴨肉切得好細，所以骨裏面有骨碎，我分唔清邊D系內邊D系血。正好店家所講：肉裏揾血，血裏揾肉。大家自己揾啦。


蒜香牛肉，呢道超多油。好多蒜頭，好多牛肉，分量好足。牛肉片唔好老，夾住蒜頭一齊食，超好味！


農家柴火臘肉，好重的柴火燒過的味道。個人口味，我唔中意，無法評價。


攸縣香乾，豆腐乾較嫩，加咗好多佐料，惹味，但皮不脆，扣分。


紅薯粉肉沫，炒得唔錯，夠味，而且不油不乾，盤底無汁無油，廚師有料。肚餓的話，可點來安慰下個肚先。


空心菜，廣東菜的做法，青菜一個，無特別。


最後店家贈送一個——涼拌炒飯，幾好味，唔錯。


呢家新開張，環境衛生都唔錯，菜品都算OK。個人覺得唯一不足系位置問題，如果系路邊做個顯眼的招牌可能會好D。

龍骨茶樹菇湯,紅燒豬腳,牛肉都鍾意!

價錢的碓几相宜!

華麗路位置的確隱敝左d,個度都系住宅小區,

娛樂場所好似鬆骨就要轉番去黃貝嶺,

雖然好近,但好小行經

睇落唔錯。。:y-65:
可惜唔熟果頭。。:y-55:

果度我真係未去過......
都幾遠下...
唔識去添...

唔該。 。
第一次應該會打的去好過。 。

係火車站有經鳳凰路既車都岩，通常落車後步行約4-6分鐘即達！

如果有一日美食團去呢度食午飯就好啦

搵日去試下個金錢蛋先得

血鴨好似幾好食

D相好细唔清楚。。。。