本帖最后由 MYbatigol 于 2010-6-4 00:08 编辑
世路仔個時已經聽講過 大良毋米粥 是 順德名菜, 直到大個仔先有幸一試, 結果果然名不虛傳....
今次去的呢問唔是 大良的 總店, 而在新開的 深圳 分店......因為近先去試下, 同埋, 要就下媽咪嘛
媽咪是順德大良人, 所以母親節帶左媽咪黎食......
地點是在 萬象城對面, LV 招牌的正前方, 經過一個大廣場, 地址是 城市花園廣場2樓
入到去見到張張卓都幾大張, 咁部長比左我地2個人一張大卓, 黎到menu都唔睇, 緊是食白粥底火鍋啦....
然後施施然拿起menu.....
呢度是以食海鮮為主, 價錢比樂o路貴少少.....
原來有套餐叫, 不過2個人食, 食鬼到咁多, 問部長, 散叫都可以....於是點左......
1)海蜆....1斤
2)野生基圍蝦.....半斤
3)丁貴魚.....1條(1.5斤分骨同肉上)
4)大良油條
5)生菜
粥底到, 好白, 好似牛奶咁......
海蜆先到....新落剛滾的毋米粥....
一陣間食得.....海蜆好新鮮, 有鹽水味, 又有蜆仔鮮甜的味道, 都幾大隻, 又唔貴, 抵食......值4分
基圍蝦到, 跳來跳去, 服務員用鍋蓋好, 放入粥度....
半斤其實都幾多, 兩個人食每人都有碗半蝦...
基圍蝦唔算太大隻, 不過都ok, 起碼好過happy o rd
基圍蝦食得, 都是咁....好新鮮.....加上是用白粥白灼, d蝦好鬼鮮甜, 原汁原味, 而且表面有米香, 好食.......4.5分
之後大盤剎到.....就是我條丁桂魚, 一魚兩味
一上....丁桂魚鮮魚片.....有兩盆, 呢個是其中一盆
灼熟左就是咁, 呢條丁桂魚唔會好似d淡水魚咁淡而無味, 食落去有鮮味, 唔會*醒*, 肉質爽口(比較其他淡水魚), 好味........滿5分
二上.....丁桂魚煎焗魚骨, 呢個是 大良毋米粥 最出名的菜之一, 佢地真是煎到d魚好香, 而且好入味, 食落口有味道有d重,
放左味精去焗, 不過好好味, 用佢去送白粥真是絕配.......總之去到呢間, 呢味菜是必食之一..........滿5分
呢個又是順德名菜, 大油條,
呢條油炸鬼比我佢食開的大2倍, 食落又無咁多油, 都好香, 試過同粥底食, 或就咁食, 都好好味,
不過連粥底食冇咁熱氣, 而且有海鮮味, 哈哈, 又是......呢個同毋米粥是絕配, 必點之一..........滿5分
我同媽咪飲左幾碗海鮮粥都飽了, 之後食生菜, 不過咁樣食菜, 唔好食, 無咩味, 下次去另外炒過碟好d...........3分
結論:
人人都話去深圳食海鮮就要去 happy o rd, 我就話都唔知是邊個講, 每次去到又要等位等到死, 唔通香港人真是習慣左
等食? 海鮮又唔是平過人, 又唔見得好新鮮, 又污糟, 我而家都唔會去個度食, 去都去呢間, d海鮮真是好新鮮, 又唔是貴,
地方好干淨, 最抵讚的是服務員, 全程都是佢去整d海鮮比你食, 你連灼都唔駛, 呢d服務香港都做唔到, 所以我必定再去,
同多幾個fd去食仲好食d, 多謝各位ching收看。
評分:
用餐餐廳:大良毋米粥
詳細地址:羅湖地王嘉賓路4025號城市天地廣場內2樓
用餐日期:2010年母親節
推薦菜式:大油條, 煎焗魚咀, 海鮮
消費:共169元,2個人
評分:4.5(滿分5分)
味道:5 (新鮮!!)
衛生:4(幾干凈,沒發現異常)
服務:4.5(一叫即黎, 有笑容, 全程幫你打點)
環境:4(好多大卓, 不過廁所超細)
價錢:4 (可以接受)
一試難忘.....有家的味道 |