第一次出 REPORT, 未必寫得咁好, 希望各c兄體諒
之前都去過水圍小海灣幾次(即 happy 茶餐廰斜對面), 覺得 d 野食都係唔錯. 最鍾意食概係炒聖子, 真係幾好味.
但最近依兩次去, 唔單止失望, 仲有 d 谷氣.
大約兩個星期前去食晚飯, 都係點一般菜色, 味道仍然好好. 只係其中一味菜出咗少少問題. 就係沙鍋魚頭煲. 唔係魚頭唔得, 而係蒜頭唔得. 佢地竟然反用人地食淨蒜頭. 原因係之前食過, 蒜頭亦好好味. 但今次明顯好唔同, 有八成係舊蒜頭, 好冧, 顏色亦同新蒜唔一樣. 依半年蒜頭係貴都唔好咁做呀.
琴日再去食, 叫其他菜食(怕再反用蒜頭), 點之仲衰. 叫咗條魚, 唔係乜野貴價魚, 佢都換條死魚俾我地. 食飯食咗半個鐘, d 菜都未到齊, 吹佢叫佢地追追. 追完一輪先到. 結果係 d 餸係微暖. 係咁依煮下就算 d 肉個心係凍概. 越食就越火滾. 成家人諗住開開心心食飯結果食到媽媽聲. 快快手手食完就走人算數.
分叫個服務員埋單, 問咗佢一句, 港幣對幾多, 佢話 100 對 87. 咁埋單時, 佢就話港幣一共 257, 我多口問多一句, 人仔即係幾多. 佢話答我 215. 本來都無乜野. 但越諗越唔對路. 就攞計數機計一計 215 / 0.87 = 250.5 點解會係 257 概?, 就再問一次港幣對幾多. 但係同一答案 100 對 87. 我再篤個計數機, 無錯喎係 250.5. 個服務員見我計, 佢又用筆用紙計. 計完同我講無錯喎係 257, 佢仲反問我一句你點計架. 我聽完就係佢面前篤個計數機俾佢睇. 佢睇完仲話唔係喎 300 蚊港幣........果一刻我"苗"佢張計數紙, 望完 o 哂咀, 我就叫居企人用人仔埋單算. 都唔想再同佢係滙價上爭吵. 出咗門後後同自己講, 應該無乜機會再去依間野食飯.
佢地計對換方法係 100港紙對 87 人仔, 即係有 13 蚊差價. 215蚊人仔即係用 300蚊港紙去換, 咁即係要補返 39蚊先夠 300蚊人仔(13x3=39). 215 + 39 = 257. 個服務員用依個方法計, 我覺得無乜問題, 因為要計除數 215 / 0.87 唔係人人可以即係計到出o黎. 但問題係依個數唔係服務員, 係會計去計架嘛, 佢有計數機用, 都用依個方法去計, 明顯佢地係分明呃人. 所以下次各 c兄 去食飯, 真係要留意一下. |