其實講起烏冬香港人一家食得唔少,價錢可以平到非常大眾化可以拿來打邊爐,有些高貴的更可以以三位數都有得見,講真都真係豐儉由人.
其實烏冬歷史頗為悠久,但史源一向都唔太清楚.有傳在唐朝由日本到中國訪問之法師從中國帶回來的.亦有傳在唐朝時由中國傳入之榚點所研製出來的.
烏冬面製作主要由小麥粉及食鹽所做出來,而烏冬亦有基準,由日本農林規格所列明.
日本國內其實烏冬唔只一種,由最熟識之讃岐烏冬等都可以有幾十種之多,在此不想詳述.只講講稻庭烏冬.今次就評論一下位於九龍圓方之稻庭烏冬‧鍋物日本餐廳.
店外見有散裝烏冬麵可買回家,但價錢當然不是超市所賣的可比擬的.
至於稻庭烏冬之簡述可看看此圖
此烏冬何解如此貴重?其實就是手打之餘,以往在日本曾是達官貴人之食品.以滑及彈牙見稱.而製作手法好在乎師傅手做時之工夫,故此係主要貴在工夫一方.而製作麵條之過程係反反覆覆需要數日的,少不了工夫.
今次一於講哂兩個午餐,因散叫真係唔平,先忍一忍先,講左個赤豚御膳先.
講起赤豚可能在香港唔太多人知道,但黑豬就多人食過.赤豚最出名來自宮城県伊豆沼之伊達赤豚,叫得赤豚就因為其皮膚帶紅而命名.由於飼料唔落抗生素除蟲虫藥等等,而且飼料係自家調配,故此屬非常貴價之豬肉.
先講哂成個餐,過百蚊又有乜食?
有飯有大大塊赤豬扒有律有湯,個沙律因夠凍同埋落了少少的雞肉絲及酸汁,頗為清新醒神.個麵豉湯唔太濃味,不會蓋哂所有味道,係個飯就唔太大碗就真,未必夠男子漢食.
當然講番個主角赤豚肉,用菇類炒過,豬扒有點點煎香後上碟.見到那些油份及嫩肉已經食指動.此店的確有水準,此等好食材真的要小小的調味便夠,一食入口豬肉有彈性之餘油份帶出甘香,這種甘香的確唔強烈但又慢慢從油脂中滲出來,這是小弟在香港遺忘了接近廿年的豬肉香味重現於味蕾.當然表面煎過後更是香口,如多一點飯有杯啤酒送下就最佳了.
最後散叫一個黑蜜糖雪榚送下咖啡,咖啡沖得尚算夠濃 水準可以啦,但個雪榚真係要扣分,一來黑蜜糖之蜜味唔夠強,只能試到好淡的味道而已,而且加咁多硬的"珍珠"做乜鬼,破壞了整個雪榚呢...
看板娘---馬場樂子---對赤豚御膳之評分:
接住去到主角稻庭烏冬御膳,個餐除了天婦羅烏冬外,還有沙律,漬物,日式飯糰及咖啡茶等等...
來講近鏡先,雞絲沙律同樣爽脆,天婦羅蝦非常鮮味,而且D筋明顯處理過才炸到咁直.味道一點唔濃,食落幾淡口,又唔油,這種味道卻係有點意外.
個飯糰帶點木魚碎,同樣味道唔濃但加入飯糰後陣陣的香味滲出來,加上些微的調味確令普通的飯糰變得高尚.
到到主角之稻庭烏冬,起初來到之時仲以為係麵,因為的確比平時食的烏冬幼身得多.以大量之蔥作配搭.當然全個餐都並不濃味,熱的清湯反而更能突顯稻庭烏冬之主角位置.手打烏冬一夾已覺滑溜,一入口真係頗滑之外而且咬落頗有嚼勁,明顯係過冷河過得夠先有咁嘅效果.當然除了食到打烏冬及煮烏冬的工夫外,全個餐都略為偏清淡之下更覺平實感.真係唔好將個天婦羅擺落碗湯,分開食才唔會俾油份沾到上個烏冬.
題外話,此店之服務質素的確優良.招待客人時頗有禮貌及勤快,而且在溝通時非常流利.在九龍站這個如此國際化之城市來說的確有需要的,在此為佢地加加油先!
看板娘---馬場樂子---對稻庭烏冬御膳之評分:
今次河馬仔專欄為了多謝各位支持,今次有一張看板娘---馬場樂子之預祝2010年COMIC WORLD 及 RAINBOW GALA同人活動成功之WALLPAPER送給大家,希望大家喜歡.
今次由河馬仔出品,由同人組織LAPUS之畫師CHIYA繪製而成.
有兩個SIZE供大家下載,用<共享創意 署名-非商業性 3.0 香港 授權條款>發放.
1650 X 1050
http://img.hkheadline.com/headline/blog/album_photos/57/44/150556/0/200912260025561045_1600x1600.jpg
1024 X 768
http://img.hkheadline.com/headline/blog/album_photos/57/44/150556/0/200912260024002702_1600x1600.jpg
上次之WALLPAPER,畫師為
同人組織風林火山之MOCHA.
1650X1050:
http://img.hkheadline.com/headline/blog/album_photos/57/44/150556/0/200911111814231260_1600x1600.jpg
1024X768
http://img.hkheadline.com/headline/blog/album_photos/57/44/150556/0/200911111814162590_1600x1600.jpg
上次之WALLPAPER,畫師為同人組織黑蛛白蛛.
1680X1050
http://img.hkheadline.com/headline/blog/album_photos/57/44/150556/0/200909172212456473_1600x1600.jpg
1024X768
http://img.hkheadline.com/headline/blog/album_photos/57/44/150556/0/200909172212386434_1600x1600.jpg |
|
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡
