[分享]小金井日本料理,無理的答覆!!
"小金井日本料理" 九龍深水埗東沙島街167E地下
平時我地覺得呢間日本餐廳,d食物質數ok,價錢都唔係太貴,
所以我地都幾鐘意去果到食lunch
今日我地一行六人,如常去到呢間日本餐廳食lunch,
我地一向都知道,炸物係要等十、十五分鐘
因為我地都好鐘意食d熱辣辣既食物,唔怕等
我地6個人分別點左:
吉列豬扒拉麵,豚肉薑燒定食,天婦羅定食,薄燒牛肉定食.和風炸雞定食2份,竹壽司一份
侍應都同我地講左,要等十、十五分鐘,咁一定冇問題喇
跟住唔夠五分鐘,個吉列豬扒拉麵已經到左,
下...咁快炸好?
一試之下,塊豬扒係凍既,咁我地就一定唔滿意喇,
就叫個待應埋黎同佢講,塊豬扒係凍既,
個侍應唔知係話唔到事定係怕事喇,
就叫左個好似部長既女士埋黎,呢位女士叫AMY溫
佢一埋黎,我地就覺得佢跟本冇意思換俾我地,
[Amy]就係到問其他既侍應:碟豬扒幾時上嫁?
[Amy]跟住又問我地:係唔係真係凍到冰?入唔到口?
[我地]答佢:咁又唔係,之係我地覺得塊豬扒凍既程度係我地接受唔到o者
[Amy]答:哦,咁好喇,我幫你地睇睇
跟住就拎走左碟豬扒喇,無幾耐又拎返同一碟既豬扒返黎,但係小左一舊既,就同我地講
[Amy]答:我地個師父試過塊豬扒無問題嫁話,係暖嫁喎
下....我地呆哂....你眼望我眼...大家都覺得,下,咁都得?
[我地]答:咁我地覺得有問題喎,咁你可唔可以換塊新既俾我地呢?
或者換另一款既拉麵,我地唔要吉列豬扒囉
[Amy]答:um...如果塊豬扒無問題既話呢,我地係唔會換俾你嫁
下....真係想問下大家,呢樣食物有冇問題,係個師父決定定係個顧客決定既呢?
我諗大家都心中有數,我地俾咁既價錢出黎食呢d咁既食物,我地覺得唔值,
同埋我地覺得最唔值係呢位溫女士既說話同埋服務態度!!
睇電視劉德華都有講,今時今日咁既服務態度係未夠嫁!!
同埋果到d音樂開到鬼死咁大聲,跟本就傾唔到計,好似想趕人走咁囉
真係俾佢吹到bb聲囉
圖片附件: [呢間就係果間餐廳] DSC00818.JPG (2006-11-27 12:17 PM, 282.25 K)
圖片附件: [呢碟就俾凍冰冰俾人食左一舊既豬扒] DSC00814.JPG (2006-11-27 12:17 PM, 285.93 K)
|
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡