食通天深圳系列（11）西堤牛排

显示全部楼层 · 发表于 2009-6-8 11:20:36

呢間西堤牛排其實係王品台塑牛排嘅姊妹店，裏面嘅環境、裝修都算係唔錯，簡潔得嚟有時尚感兼情調，最重要係抵食，有Rococo套餐（￥98）、Baroque套餐（￥128）兩款，唔收加一服務費。

每款套餐都係由appetizer、麵飽、餐湯、antipasto、main course、dessert、餐飲～七道合組而成，每道又有五、六款選擇，可以隨個人嘅喜好而自由配搭。

位置：羅湖區深南東路4003號世界金融中心一樓

登录/注册后可看大图

发表于 2009-6-8 11:23:29

appetizer：鮮果salad

登录/注册后可看大图

发表于 2009-6-8 11:26:24

麵飽：烤芝麻奶油麵飽配烤焗蘑菇醬

登录/注册后可看大图

发表于 2009-6-8 11:28:29

餐湯：香嫩雞片菌菇湯、蛤蜊南瓜湯

登录/注册后可看大图

发表于 2009-6-8 11:32:23

antipasto：馬德里薄切生牛肉、歐風紅酒烤牛舌

登录/注册后可看大图

发表于 2009-6-8 11:36:38

百香雪酪

登录/注册后可看大图

发表于 2009-6-8 11:40:30

main course：香烤牛小排、海陸大餐

登录/注册后可看大图

发表于 2009-6-8 11:42:31

dessert、餐飲：黑森林蛋糕、維也納咖啡

登录/注册后可看大图

发表于 2009-6-8 11:45:34

dessert、餐飲：布拉格抹茶mousse、西柚檸檬露

登录/注册后可看大图

发表于 2009-6-8 11:48:26

簡評：

appetizer：鮮果salad～
有蘋果、蜜桃、西瓜、哈密瓜、奇異果各款水果，用料都好新鮮，至於salad醬汁甜得嚟唔膩，口感清新又開胃。

麵飽：烤芝麻奶油麵飽配烤焗蘑菇醬～
新鮮烘烤出嚟嘅豬仔飽，上檯仲係熱辣軟綿，配埋烤焗蘑菇醬一齊食，有蘑菇嘅鮮香，亦有絲絲嘅奶香，口感濃滑。

餐湯：香嫩雞片菌菇湯～
雞味較為清淡，反而個啲碎碎嘅雜菇，又將啲湯味帶返起嚟，清淡之中略帶菌菇嘅幽香。

餐湯：蛤蜊南瓜湯～
每一啖都感受到濃濃嘅南瓜味、淡淡嘅奶油味，濃稠感亦適中，只係略嫌蜆肉嘅鮮甜味唔夠。

antipasto：馬德里薄切生牛肉～
色澤鮮紅嘅牛肉片，入口真係好鮮嫩，配搭特製嘅醬汁同埋橄欖油，薄薄嘅口感，酸酸甜甜又略帶一點點甘香。

antipasto：歐風紅酒烤牛舌～
較為厚身嘅牛舌，用香料、紅酒醃製過再烘烤，夠哂香濃入味，肉質稔軟得嚟又保持彈性。

百香雪酪～
喺中段會有一杯類似檸檬汁嘅凍飲，淡淡嘅清甜冰潤，主要係用嚟清除口腔裏面嘅味道。

main course：香烤牛小排～
用250℃先煎後烤，瞬間封存裏面嘅原汁，半生熟剛剛好，肉厚脂肪少又冇肉筋，肉汁豐富而味道略淡，輕輕嘴嚼，質感嫩滑，配搭特製嘅胡椒汁，感覺真係好滿足。

main course：海陸大餐（可以選擇豬、牛、雞、魚任何兩款配搭）～
銀鱈魚扒表面酥脆，內裏肉質鮮嫩，油份豐富，再配上香草酸芥末汁，啖啖鮮美又夠惹味；至於牛扒方面，肉質嫩滑又鬆化，帶一點點嘅肥脂但係唔覺油膩，肉汁飽滿亦冇羶味。

dessert：黑森林蛋糕～
其實係mousse蛋糕，朱古力嘅口感濃郁香醇，唔會太甜。

dessert：布拉格抹茶mousse～
細膩潤滑，口感香甜，仲有點點馥郁芳香嘅茶味。

餐飲：維也納咖啡～
冰凍嘅忌廉柔和綿軟；濃香嘅咖啡醇滑微苦；清甜嘅糖漿似溶未溶，三重口感令人驚喜。

餐飲：西柚檸檬露～
用檸檬汽水混合柚香醬調製而成，微酸爽甜又有清新嘅感覺。

食通天深圳系列（11）西堤牛排

浏览过的版块