本帖最後由 yaryar 於 2009-5-13 20:43 編輯
最近搬左入屯門, 不嬲返去東門個頭dup骨飲酒食飯都係: 綠van屯門到上水火車站($13.8)轉火車到羅湖($18.8)再轉深圳地鐵到老街站(人仔$2), total一程$32.6再加人仔$2, 正常等車轉車連過關60-65分鐘就到東門, 今日放假比較得閒, 之前有fd教過我可以經元朗去落馬州個面過關再去東門, 時間一定耐d不過慳到車錢: 紅van屯門到元朗($7)轉綠van75號到落馬州過關($7)過關後可轉深圳地鐵到老街站(人仔$3)或者行出關口隔離巴士總站坐公車203號去東門(人仔$2.5), total一程$14再加人仔$2/$2.5, 我試左坐公車, 計過時間我由屯門出發去到東門都係用左85分鐘, 不過可能係平日下午時間, 全程都比較順利, 係深圳個邊都無咩點塞車, 如果都係住屯門又唔係咁趕時間, 可以試下呢條路線, 車錢慳到成半...
後記, 其實我番大陸都好少坐公車, 因為聽過好多師兄講坐公車都幾危險, 不過見今日又唔趕時間又係平日下午時候應該少人d, 如我所料我坐呢架203號真係無咩人坐, 又夠冷氣沿途睇下風景認下路好快就到. |