楼主
发表于 2009-2-4 13:07:02
|
显示全部楼层
来自: 香港
DAY 2 札幌>小樽
早餐好豐富, 不過上次食得太飽, 飽到Lunch都冇食, 今次唔敢啦, 要留番个肚裝嘢~
好好味的牛奶, 好濃郁的栗米湯, 正正正~ 咖啡冇肚裝lu~
紅磚廳舍, 就响酒店隔離條街~
亞伯好勤力鏟雪, 職員叫我哋唔好行埋去, D雪喺咁跌落嚟~
旁邊有个湖, 結哂冰呀, 有2个日本人餵鴨仔, 仲俾咗D麵包我哋一齊餵, 叫我哋要細細塊咁拋, 散養家禽呀~
130週年時計台, 响門口影吓相算啦~
日本D天秤都靚過人, 好似老襯亭, 有个展望台, 夜晚仲有燈閃閃下~
行過見到 TV Tower, 都係離遠望下算~
終於到咗二条市場, D日本人見到我哋, 指住D蟹喺咁話 Discount! Discount! 啊依司! 啊依司!
我哋冇諗住買蟹, 經過好多舖頭, 行到街尾食北海五膳, 2个人share~
三文魚子同海胆都好新鮮, 朋友仔話卜口就差D啦~
食飽飽, 行行下見到狸小路, 於是順便沿路返酒店Check-out, 向小樽出發~
好多人滑水呀, D人都唔怕凍既?
本來冇諗住响小樽留一晚, 不過老公超讚个無敵海景, 於是訂咗小樽築港酒店~
唔知係咪近海邊, 小樽比札幌凍好多, 又大風喎, 我哋等巴士時要走入樓梯口等~
响北一硝子三号館落車, 好快就見到北菓樓, 六花亭, LeTAO 同夢之音~
不停地試食試食, 朋友仔食咗好多妖精之森, 我哋仲買咗杯軟雪糕食~
响展望台見到天狗山同小樽景色, 開始天黑啦~ 大家試食咗好多朱古力同餅之後,
都唔打算坐低食Cake飲咖啡, 所以我買咗件 Cake 拎走~
但條路真係好難行, 結咗冰又滑, 大風, 又凍又落雪~
搞到个个都好累, 行得好慢~ 冇哂心机~
終於到咗小樽運河呀, 好靚呀~ 上次掛住買嘢, 冇欣賞到夜景, 个个見到都好興奮~
行程Plan咗上天狗山的, 不過冇人想行, 太凍呀, 幫襯完个厠所, 一行人就打的返酒店啦~
酒店樓下有大型商場, 我哋行咗去超市買嘢, D甜椒好膠~
商場8奌就会close, 我哋醫咗肚先再行啦~
見到呢間个門口放咗好多套餐模型, 入面又有幾枱客, 就呢間啦~
味道都OK既, 烏冬又夠熱, 三文魚子同天婦羅都唔錯, 仲有蒸蛋~ 價錢實惠 997.50円
蟹鬆飯+冷蕎麥麵 1218円
用緊餘半粒鈡, 我哋响商場Shop咗一陣, 商場就close啦, 上房嘆埋件Cake先, 聽日要早起呀~
我講唔出件Cake係咩名堂呀, 今次我喺第一次食佢D Cake, Cream 零舍滑, 又有芝士味, 一啖食哂, 正~
|
|