到國內訂機票心得

在澳門到國內自由行既朋友唔知你們會點考慮 1- 澳門飛 優點: 方便快捷車程近 缺點: 航班小, 價錢較貴 2- 廣州飛 優點: 價錢平航班多 缺點: 要坐兩個半鐘車才到機場(回程又要... ) 3- 珠海飛 優點: 價錢平, 車程較廣州近 缺點: 航班比廣州小, delay多 其實我多數都會選擇到廣州飛~價錢平航班多已是最大最大的優勢! 慳番多d錢來玩多幾個地方仲好啦~! 在廣州飛還有兩點要注意!! 1- 由於要坐兩個半鐘車, 所以在早上開關後四個鐘後既航班才可(除非你在廣州過一夜), 機場巴就在一出供北關口右手邊行三到四分鐘既車站(信禾車站 電話: 0756-96906), 票價8 0左右, 訂飛票時一定要考慮埋到廣州的車程同時間哦~ (應該看得清吧~) 2- 訂機票好以海鮮價咁~ 越早訂折扣就越多, 最低最低的特價機票可以打到三折, 註: 並不是每一間代訂機票既公司係同一時間所訂既飛票價錢會一樣!!即係話要四處去格價, 早幾年我會到拱北昌安果邊訂因為較平~但後來發覺係網上有個"攜程旅行網"更平, 不過要登記入會(免費的) 可在網上睇晒所以既航班同價錢再打電話訂即可, 訂票後佢會要你出示信用卡既號碼作底押, 取票時才比錢! 可在珠海取(有專人送給你!) 或可在廣州機場櫃位取票, 兩個方法我都試過! 初次都怕唔安全架~! 不過試過兩次都無問題~畢竟人地都係大公司, 無問題既~!!我仲有試過佢地幫我代訂既酒店, 價錢可以~自已上去睇睇~!