成日聽到啲酒店鬧鬼. 點解啲酒店咁多鬼? 原因係好多人鍾意係酒店自殺. 因為死咗會有人發覺,又唔會整污漕自己地方.佢地做酒店(特別係做reception既)會留意住客既出入. 如果發現住客兩日都無出過門口,打電話去房又無人聽,就要一個職員加一個主管級人員一齊用後備鎖匙開門入去,睇下係咪出咗事. 要兩個人一齊入去嘅原因係可以互相做證人, 如果間房唔見咗嘢都可以有人證.如果真係有人係酒店自殺,酒店係唔會打九九九.佢地會用特別渠道將條屍送走.特別渠道唔一定唔合法,總之係唔會俾傳媒知道嘅渠道.因為好多傳媒都鍾意偷聽九九九頻道去搶新聞. 為左防止傳媒報咗出嚟而影響生意,好多酒店都會咁做.
█幾套世界通用住酒店守則 :
1. 住酒店一定唔住走廊尾嘅房. 酒店唔係永遠都爆棚,當唔爆棚既時候,酒店會由電梯大堂開始一路將房間分配出去,咁做嘅原因係將住客集中, 方便清潔同執房等等. 所以相對黎講, 走廊尾嘅房間人氣會較少, 容易招惹啲污漕嘢.
2. 入到房唔好將櫃桶打開晒.好多人好鍾意一入到房就將櫃桶打開哂,睇下有乜嘢....咁樣其實好易「迫」鬼嚟....
鬼都怕人,如果間房真係有鬼, 要留返一啲地方俾佢匿埋...
3. 瞓覺最好著返一盞燈. 好簡單,俾返少少「陽氣」間房喎...
4. 見到間房有聖經, 唔駛驚. 但係如果見到本聖經打開咗,就要換房 ,間房有聖經有可能係因為宗教信仰問題,未必係同鬼魂有關. 但係如果本聖經係打開左, 就表示間房唔乾淨. 因為打開嘅並唔係求其一篇經文,會係一篇驅鬼嘅經文, 所以最好換房.若果真係迫不得已要住, 記住唔好懶有手尾咁合返埋本聖經!
5. 假如一入到去就發覺好唔舒服, 最好換房.
6. 假如有好誇張既事發生, 例如張床震,電視,燈自己開關, 櫃桶自己打開等等, 唔好諗,寧願轉酒店都唔好住.因為可能你已經唔覺意得罪咗「佢」....
希望以上嘅資料可以幫助大家住酒店住得安心, 住得安全. |
[复制链接]
立即注册
登录
提升卡
置頂卡
沉默卡
喧囂卡
變色卡
顯身卡