本帖最后由 賓州電鋸插人狂 于 2016-8-15 01:00 编辑
珠江三角洲好多地方都出產禾花雀,佛山三水嘅禾花雀最多、最好、最著名,所謂「金秋十月,和風送爽,三江匯流,水草豐茂」,每年都有大批禾花雀從西伯利亞飛到嚟廣東棲息,當地農民本來就有「捕鳥護稻」嘅習俗,禾花雀肉質肥嫩,味道鮮美,俗稱「天上人參」,亦有人用禾花雀釀酒。以前當地有「夜觀捕雀特色遊」活動,傍晚雀農落田設網,一群群禾花雀喺上空盤旋,入夜後燃點鞭炮,禾花雀就會驚慌亂飛入網。近年禾花雀成為受保護瀕危物種,國內屬於禁止出售嘅野生物種,基本上三水市區嘅餐館冇得食,即使係市郊好多餐館都炒賣到每隻¥48,隨時貴過食雞食乳鴿。
|