想搭郵輪吹海風食個飯,唔使山長水又遠,灣仔鬧市都有一艘郵輪餐廳Ocean Blue,以假亂真令你盡情relax,就如享受海上假期,當然唔好亂咁同陌生人上船啦!
查詢電話:2598 9008
扮郵輪十足十
主題餐廳香港唔算少,不過真係扮得神似其實寥寥可數,當中最難忘三里屯的Ocean Blue,以郵輪姿態示人,全店以天藍色作主調,戶外的深啡色油木地板和白色欄杆,設計得猶如真舢舨一樣,坐在那感覺特別舒適兼勁有渡假feel。最欣賞係門口那座巨型煙囪,為增加像真竟然想到以乾冰扮噴煙,看上去頗壯觀,認真程度真係令人驚訝。其他小節如船上吊鐘、救生水泡等都一一俱備,無時間出海呢度感受都唔錯!
fusion海鮮講present
Ocean Blue主打海鮮,正正切合其海洋的主題,擁有20多年做西餐經驗的總廚臣哥,對fusion菜更手到拿來:「為求造出食物有新鮮感,我會以各地的食材配合西式的presentation,令人來到唔止一種享受。」由於海鮮不定期以日本、美國及挪威等地方入口,保證夠新鮮又多元化。而作為一間餐廳兼酒吧,除有多款cocktail及啤酒供應外,亦特設snack set即包括一個小吃和一杯酒精飲品,最同朋友到吹吹風摸 |