[星期六晚約左幾個老友去深圳才泵骨,由羅湖過關再飛的往向西村先醫肚,五知由幾時開始莊家莊已經成為我地一班人飯堂,無論向西或皇崗,入去後打量一下四周,發覺地方較殘舊衛生一般,經商議後決定上一層包房,此間比大廳的好得多起碼地下無咁油先啦!好開始點菜,四個人點左5樣野分別係1:松子魚¥38好細條我諗1斤吾夠得個樣一D都五好食,都五知邊個發明呢個菜簡直華而不實!2:豬骨煲細¥68有5舊豬骨味道五錯朋友仲笑話這菜已成為此店招牌菜都五知真吾真!3:XO醬爆豬蹄筋¥32呢個係我鐘意食,不過蹄筋好似啤水啤夠時間,食落有陣緊水味吐都吐吾切,即刻找個服務員入黎媽叉一頓,結果五使比錢換一個燒汁吊桶,味道竟然比平時食開個D炒鮮尤要好堂條氣順晒。4:生腌蝦¥38等成晚呢個最好食,佢將10-12隻生蝦肉浸係1碗類似特制醬料入面,鮮甜味美可惜有其中一位朋友吾敢食,慳番算佢無食神!5:滋然粉燒泥孟¥48共六條用竹簽串好,好野味好香口送啤酒一流!全晚飲左10支大青島,埋單個時已經丕丕呼,吾記得幾錢,每人大約¥90-100,都幾抵,眼住去左君悅年華按摩啦! 後記:此店生意好好同水圍差吾多,點解識去?因為以前有個女友人帶路,如果五係我仲係食緊茶記咋! |