本帖最後由 ken_choy 於 2011-7-18 19:34 編輯
之前睇到ken版出左一份廣西南寧美食報告,令我又想出份深圳以外地區既報告!上個禮拜我得閒,一條友直闖杭州,之後又去廣州,咁我就一於獻醜出番份美食報告!雖然唔係特別既菜式,但志在分享,希望師兄們唔好嫌棄!在杭州第三日既朝早,我就去左永和大王食飯(艮山西路店),叫左宮保雞丁飯同一杯冰豆漿!
1. 宮保雞丁飯 (材料有花生,椰菜,甘荀絲,粟米粒,雞肉,半隻蛋)
花生嫌不夠脆,但勉強可以接受! 椰菜、甘荀絲、栗米粒都好鮮甜!蛋就一般!雞肉就同香港食果d有分別,呢個雞肉煮得好淋,好入味,微辣,相當好味!另配上一碟開胃酸菜,食左真係好開胃!再加一杯冰豆漿,大大杯,甜味適中,唔錯!!!我覺得呢個飯材料既配搭真係好好!
環境~8分(十分滿分)
味道~7.5分
價錢~9分
離開杭州後,我就係廣州落腳!坐地鐵去公園前站,在K,G出口都可以,果個商場名叫"動漫星城",我係"東西燒"食飯,叫左一個日式雞扒飯,送一杯可樂!
2. 日式雞扒飯(材料有中華沙律,半隻鹵蛋,雞扒)
中華沙律(即是海藻)味道可以, 鹵蛋一睇蛋白顏色就知鹵水完全滲透入蛋白內,非常入味,好食!唯獨最失敗既地方偏偏係主菜雞扒上!雞扒外、內都淋,味道還可以,但完全沒口感!若是外脆內軟就最正!!!可樂就一般般,沒什麼特別!
環境~6分(地方小,坐落去有少少壓迫感)
味道~6分(被雞扒拖累,扣分)
價錢~7分
報告完畢,多謝收看!!! |