北角係香港算係一個小褔建,亦只有係度可以重拾兒時的點點情懷
今天又在北角街頭閒逛,晚飯時經過這條街,已經很久沒有吃過家鄉菜,見及此馬上入去一解思鄉情!
此店座位只有15.6個,一般茶餐廳格局裝飾,對我來講食物先係最重要,因只得兩個人,求其柯打幾樣家鄉地道菜
閩南炒面線,同一般茶記炒米、面完全係兩回事,先用腩肉,椰菜,鮮魷,蠔仔爆重後,加特制醬油和福建獨有面線 一齊炒
鑊氣十足,賣$38 6/10
貢圓肉燕湯,絕對搵笨,湯=味精水,貢圓同肉燕完全五掂,同家鄉食果D相差甚遠!
已經五記得幾錢,只知超低分 3/10
XO醬大腸豬紅煲,味道可以只係油太多,$45 5/10
最係呢個先係最精彩的,閩南特產土筍凍,用類似新鮮沙蟲去煮正起膠,冷藏凝固後
加點蒜蓉、醋、醬油一齊食,滋味無窮,鮮甜無比,正! 賣$13兩塊,7/10
其實閩南菜仲有好多小食如;五香雞卷、糯米或豬紅灌大腸,燒肉粽等等…未能盡錄
此價錢五平五貴屬中等,店家如能多給點心思下廚,則五單係同鄉之褔,更係香港人之福
閩南菜報告完畢,謝謝收看品評!
|